Foto nga people.com.cn

Panairi i 133-të i Importit dhe Eksportit të Kinës (Panairi i Kantonit) u hap zyrtarisht të shtunën në qytetin Guangzhou të provincës Guangdong të Kinës Jugore.  Këtë vit, Panairi i Kantonit hapi një sallë paraqitjeje të sapopërfunduar, duke e rritur sipërfaqen totale të ekspozitës në 1.5 milion metra katrorë, ndërsa rreth 35 mijë kompani kineze dhe të huaja marrin pjesë në ekspozita offline. Në konferencë marrin pjesë blerës nga më shumë se 200 vende dhe rajone nga e gjithë bota.

Panairi i Kantonit është një urë tregtare që lidh Kinën dhe botën. Nga këtu, "Prodhuar në Kinë" me kategori të plota, cilësi të lartë dhe çmim të ulët shkon në botë. Panairi aktual i Kantonit do të mbahet në tre faza nga 15 prilli deri më 5 maj. Është gjithashtu sesioni më i madh në histori, me zonën e ekspozitës dhe numrin e pjesëmarrësve që arrijnë nivele rekord. (Çang Çuo)