Foto nga VCG

Vlera totale e prodhimit të ndërmarrjeve të prodhimit të medikamenteve tibetiane në Rajonin Autonom të Tibetit të Kinës jugperëndimore arriti në 2.52 miliardë juanë (rreth 365.9 milionë dollarë amerikanë) në vitin 2022, rreth dyfishi i vitit 2012, u bë e ditur në një konferencë mbi zhvillimin e mjekësisë tibetiane, citon “Xinhua”.

Mjekësia tibetiane, e njohur si “Sowa Rigpa”, daton rreth 2500 vjet më parë. Ajo ka përvetësuar ndikimet e mjekësisë tradicionale kineze, indiane dhe arabe dhe praktikohet kryesisht në Tibet dhe në rajonin e Himalajeve.

Gjatë dekadës së fundit, prodhuesit tibetianë të medikamenteve kanë përparuar nga punëtoritë manuale në fabrika dhe kompani të standardizuara. Aktualisht, ekzistojnë 17 ndërmarrje tibetiane të prodhimit të medikamenteve në rajon që plotësojnë standardet kombëtare të prodhimit të tyre. Ata prodhojnë më shumë se 360 lloje të mjekësisë tibetiane.

Rajoni do të krijojë një park industrial tibetian të mjekësisë në nivel kombëtar, dy baza kërkimore teknologjike tibetiane të mbjelljes së ilaçeve dhe një bazë për kultivimin e farave dhe fidanëve deri në vitin 2025, duke synuar rritjen e sipërfaqes së mbjelljes së bimëve mjekësore tibetiane në 25.000 mu (1,667 hektarë). (Irma)