Foto nga VCG

Metropoli jugor kinez Guangzhou ka nisur një rrugë të re ajrore për të gjitha ngarkesat drejt kryeqytetit francez Parisit, njoftoi kompania logjistike e Autoritetit të Aeroportit Guangdong, citon “Xinhua”.

Këtë javë, një avion mallrash me të gjitha ngarkesat nga “CMA CGM Air Cargo” e Francës u nis nga Parisi drejt Aeroportit Ndërkombëtar Guangzhou Baiyun, duke shënuar fillimin e rrugës ndërkontinentale me të gjitha ngarkesat e nisur nga aeroporti këtë vit.

Fluturimi i parë u nis nga Parisi në orën 22:00. të martën me orën lokale dhe u ul në aeroportin Baiyun në orën 2 të mëngjesit të së enjtes me orën e Pekinit. Ai u largua nga aeroporti në orën 5 të mëngjesit të së njëjtës ditë, i ngarkuar plotësisht me 58 tonë ngarkesë me destinacion Parisin.

Ngarkesa e transportuar përmes këtij itinerari do të përfshijë kryesisht mallra të tregtisë elektronike dhe mallra të freskëta të zinxhirit të ftohtë. Linja është planifikuar të kryejë tre fluturime në javë dhe pritet të sjellë më shumë se 20.000 tonë rritje të xhiros ndërkombëtare të ngarkesave në aeroportin Baiyun çdo vit, njoftoi kompania.

Rrjeti i linjave ajrore të aeroportit mbulon më shumë se 230 pika transporti në mbarë botën. Në vitin 2022, kapaciteti i aeroportit për trajtimin e ngarkesave dhe postës tejkaloi 1.88 milionë toën, duke u renditur i dyti në mesin e të gjitha aeroporteve kineze për tre vjet rresht që nga viti 2020. (Irma)