Foto nga VCG
Fixhi po përballet me një krizë uji në ishullin kryesor Viti Levu, për shkak të thatësirës gjatë këtij sezoni zakonisht me shi.
Me një njoftim për ndalimin e ujit në fuqi për njerëzit që jetojnë përgjatë korridorit Lami-Suva-Nausori, konsumatorëve u kërkohet të shmangin çdo përdorim jothelbësor të ujit, sepse të gjithë duhet të angazhohen për të kursyer ujin që të përballohet periudha e thatë e paprecedentë, njoftoi Autoriteti i Ujit (WAF), citon “Xinhua”.
Drejtori i WAF, Amit Chanan, deklaroi se ka një hendek midis ofertës dhe kërkesës prej 3 milionë litra ujë në baza ditore për shkak të problemeve të infrastrukturës, sipas faqes së lajmeve të “Fijivillage”.
Sipas tij, thatësira e ka përkeqësuar shumë situatën. Për momentin, theksoi ai, për shkak të motit të thatë, hendeku është 7 milionë litra dhe nëse sasia e ujit në lumenj vijon të bjerë, prodhimi do të ulet më tej dhe ai hendek do të bëhet më i madh.
Ai paralajmëroi se nëse flukset e ulëta të parashikuara vazhdojnë, hendeku do të bëhet më i madh dhe do të vështirësohet edhe funksionimi i sistemit për ta. (Elona)