Panairi i 3-të Ndërkombëtar i Mallrave të Konsumit në Kinë po mbahet në qytetin Haikou të Provincës Hainan nga data 10 deri më 15 Prill. Zona e ekspozitës është rritur 20 për qind krahasuar me atë të mëparshmin, ndërsa më shumë se 3.100 marka të njohura nga më shumë se 60 vende dhe rajone marrin pjesë në këtë panair.
Si vendi i nderit i Panairit të 3-të Ndërkombëtar të Mallrave të Konsumit në Kinë, Italia ka sjellë një numër të madh markash të njohura për të marrë pjesë në këtë panair, duke shpalosur të gjithë stilin italian.
Foto nga VCG
Sipas statistikave, 145 marka italiane marrin pjesë në këtë panair, me një sipërfaqe totale ekspozuese prej rreth 1.775 metrash katrorë. Numri i markave dhe sipërfaqja e stendave janë mbidyfishuar krahasuar me panairin e kaluar. Markat kryesore pjesëmarrëse janë Maserati, Lamborghini, Ducati, Panerai, etj. Midis tyre, si partneri zyrtar i numërimit mbrapsht për këtë panair, Panerai, një markë orësh nga Firence, ka vendosur orën më të madhe “countdown” të ekspozuar ndonjëherë në Haikou.
Lorenzo Riccardi, zyrtari kryesor financiar i Dhomës së Tregtisë Kinë-Itali, tha së fundmi në një intervistë se shumë kompani italiane presin me padurim të prezantojnë për konsumatorët kinezë mallrat e tyre të një cilësie të lartë përmes Ekspozitës së 3-të Ndërkombëtare të Mallrave të Konsumit. Sipas Riccardit, këto mallra janë shumë të pajtueshme me kërkesën e përshkallëzuar të konsumatorit të Kinës. Një seri platformash të hapura si “Consumer Expo” dhe “China International Import Expo” janë ura të rëndësishme dhe dritare ekspozimi për kompanitë italiane për t'u zgjeruar në tregun kinez.
Foto nga VCG
Lorenzo Riccardi vuri në dukje se rritja ekonomike e Kinës dhe tendenca e rimëkëmbjes së tregut të konsumit janë të dukshme dhe mjaft institucione ndërkombëtare janë gjithashtu të sigurta se Kina do të arrijë objektivin e rritjes ekonomike të këtij viti. Ai theksoi se përshpejtimi i Kinës në ndërtimin e një tregu të unifikuar kombëtar dhe cikli të dyfishtë pa pengesa do të nxisin në mënyrë efektive zhvillimin me cilësi të lartë dhe çlirimin e mëtejshëm të potencialit të konsumit. Kjo ka rëndësi të madhe për një ekonomi të orientuar drejt eksportit si Italia. Produktet me cilësi të lartë të prodhuara nga Italia mund të çelin një hapësirë më të gjerë zhvillimi në Kinë. Ai shpresonte që sipërmarrësit italianë të shfrytëzonin mundësinë, të përdornin në mënyrë aktive platformat dhe të vazhdonin të korrnin rezultate më të frytshme në tregun kinez.
Pavijoni Kombëtar Italian i këtij panairi u krijua bashkërisht nga Këshilli Italian i Tregtisë së Jashtme dhe Shoqata Italiane e Industrisë së Luksit. Pavijoni paraqet kryesisht 75 marka "Made in Italy", duke përfshirë modën, dizajnin, ushqimin, pijet, makinat, hotelet, jahtet, bizhuteritë dhe kategori të tjera.
Foto nga VCG
Brendësia e Pavijonit Kombëtar Italian të Imazhit adopton dizajnin panoramik, përmes lidhjes së ngushtë mes natyrës, kulturës dhe prodhimit, me një shkrepje zhytëse panoramike 360 gradë, duke treguar kuptimin e "Made in Italy" dhe paraqitur bukurinë e Italisë. Në të njëjtën kohë, në zonën e pritjes dhe në zonën e verërave, vizitorët mund të shijojnë ushqime dhe pije italiane.
Përveç kësaj, Dhoma e Tregtisë Kinë-Itali ka punuar me Ambasadën Italiane në Kinë, Konsullatën e Përgjithshme Italiane në Guangzhou dhe Komisionin Italian të Tregtisë së Jashtme, për të promovuar në mënyrë aktive shfaqjen e kompanive dhe markave italiane në platformën “Consumer Expo” dhe rritur ndikimin e markave italiane me cilësi të lartë.
Gjatë panairit, "Pavijoni i Ndërmarrjeve Italiane" do të zhvillojë një sërë aktivitetesh, si kurse kualifikimi për akulloren italiane të prodhuar në mënyrë artizanale, apo për verën e kuqe, si dhe seminare online dhe offline mbi temat e modës italiane, stilit të jetesës dhe koncepteve unike. （Çang Çuo）
