"Ne kemi shumë për të bërë së bashku. Rroftë miqësia midis Francës dhe Kinës!" Më 7 prill, presidenti francez Emmanuel Macron postoi dy fjali të shkurtra në kinezisht, anglisht dhe frëngjisht në platformat sociale, duke ndarë mbresat e tij për vizitën e sapopërfunduar në Kinë.

foto: Xinhua

Kjo ishte vizita e tretë e Macronit në Kinë që kur ai mori detyrën si president i Francës. Nga data 5 deri më 7 prill, presidenti kinez Xi Jinping pati shkëmbime të thella dhe cilësore me të në Pekin dhe Guangzhou, të cilat rritën mirëkuptimin dhe besimin reciprok dhe qartësuan drejtimin për bashkëpunimin e ardhshëm midis Kinës dhe Francës në nivel dypalësh dhe atë ndërkombëtar.

Të dy palët publikuan një deklaratë të përbashkët, duke mbuluar të gjitha aspektet e forcimit të dialogut politik, promovimin e përbashkët të sigurisë dhe stabilitetit botëror, të shkëmbimeve ekonomike, rifillimin e marrëdhënieve kulturore, përgjigjen e përbashkët ndaj sfidave globale etj., për të promovuar relacionet e një partneriteti të ngushtë dhe të qëndrueshëm strategjik gjithëpërfshirës kino-francez për më shumë rezultate të reja.

foto: VCG

Aktualisht, situata ndërkombëtare është e trazuar dhe kaotike dhe faktorët e pasigurt janë në rritje. Kina dhe Franca po përballen me sfidat e unilateralizmit dhe proteksionizmit, si dhe me detyrat e zhvillimit të ekonomisë dhe të mbrojtjes së jetesës së njerëzve. Ato ndajnë shumë pikëpamje të ngjashme për çështjet e nxehta ndërkombëtare dhe rajonale, si kriza e Ukrainës dhe çështja bërthamore iraniane. Nga ruajtja e një marrëdhënieje të qëndrueshme dhe ndërtimi i më shumë konsensuseve mes dy vendeve, jo vetëm që do të përfitojnë ato vetë, por gjithashtu do të promovojnë zhvillimin e marrëdhënieve Kinë-BE dhe paqen e stabilitetin botëror.

Duke gjykuar nga rezultatet e bisedimeve mes dy krerëve të shteteve, në epokën e re, Kina dhe Franca kanë më shumë çështje të përbashkëta dhe më shumë fusha bashkëpunimi. Në fokus është sidomos “rifillimi” i procedurave të dialogut. Të prekur nga epidemia, tre mekanizmat e dialogut të nivelit të lartë të strategjisë, ekonomisë dhe financave Kinë-Francë, si dhe shkëmbimet mes njerëzve dhe kulturave, kanë ngecur për disa kohë. Këtë herë Kina dhe Franca deklaruan se do të vazhdojnë procesin e takimit vjetor të dy krerëve të shteteve dhe do të zhvillojnë një takim të ri të tre mekanizmave kryesorë brenda këtij viti. Kjo do t'i ndihmojë të dyja palët të zbatojnë konsensusin e arritur nga krerët e shteteve dhe ta shndërrojnë atë në rezultat bashkëpunimi sa më shpejt të jetë e mundur. Në të njëjtën kohë, Franca përsëriti aderimin e saj ndaj politikës së “një Kine”, e cila pasqyron shkallën e lartë të besimit të ndërsjellë politik midis dy palëve.

foto: VCG

Thellimi i bashkëpunimit ekonomik dhe tregtar është një tjetër arritje e rëndësishme e vizitës së Macronit në Kinë. Kina po avancon modernizimin e stilit kinez në një mënyrë të gjithanshme, e cila ofron më shumë mundësi për vendet në mbarë botën, përfshirë Francën. Më shumë se 60 liderë biznesi nga Franca shoqëruan presidentin Macron për të vizituar Kinën këtë herë, ndërsa 36 kompani kineze dhe franceze nënshkruan 18 marrëveshje bashkëpunimi.

Kriza ukrainase është një çështje kyçe në marrëdhëniet aktuale të jashtme të Francës dhe Evropës, pasi ato janë thellësisht të prekura prej saj dhe duan dëshpërimisht të promovojnë një zgjidhje politike. Kina nuk është një palë e përfshirë në krizën e Ukrainës, por nuk ka qëndruar duarkryq dhe ka promovuar në mënyrë aktive bisedimet e paqes. Këtë herë, duke u përballur me shqetësimet e Francës dhe Evropës, Kina propozoi pesë masa specifike, duke përfshirë mbështetjen e palës evropiane për të luajtur një rol në zgjidhjen politike të krizës, duke respektuar rreptësisht ligjin ndërkombëtar humanitar dhe rifillimin e bisedimeve të paqes sa më shpejt të jetë e mundur. Macron dhe Von der Leyen shprehën "gatishmërinë e tyre për të bashkëpunuar me Kinën për të gjetur një mënyrë për të promovuar paqen dhe bisedimet".

foto: VCG

Vitin e ardhshëm Kina dhe Franca do të festojnë 60-vjetorin e vendosjes së marrëdhënieve diplomatike. Besohet se nën drejtimin e dy krerëve të shteteve, marrëdhëniet Kinë-Francë do të arrijnë në një nivel të ri dhe do të sjellin një atmosferë të re në zhvillimin e marrëdhënieve Kinë-BE.