Foto nga VCG

Fuqia ekonomike e Kinës lindore, provinca Jiangsu raportoi një densitet mesatar rekord të ulët PM2.5, një tregues kyç i ndotjes së ajrit, në vitin 2022, thanë autoritetet lokale, njofton “Xinhua”.

Përqendrimi mesatar i PM2.5 në Jiangsu ishte 31.5 mikrogramë për metër kub në vitin 2022, me një rënie prej 3 për qind në baza vjetore, duke shënuar një rënie të vazhdueshme nëntëvjeçare qëkur të dhënat u mblodhën për herë të parë në vitin 2013.

Shkalla e ditëve me cilësi të mirë të ajrit në Jiangsu arriti në 79 për qind në vitin 2022.

Të dhënat treguan gjithashtu se dendësia e PM10 dhe dyoksidit të azotit në Jiangsu vitin e kaluar ra me përkatësisht 7 për qind dhe 13.8 për qind.

Krahasuar me pesë vjet më parë, dendësia e PM2.5 u ul me 31.9 përqind dhe shkalla e ditëve me cilësi të mirë të ajrit u rrit me 4.6 pikë përqindje në Jiangsu.

Provinca ka vendosur objektivat për mbrojtjen e mjedisit këtë vit, duke përfshirë mbajtjen e densitetit të PM2.5 në rreth 32 mikrogramë për metër kub dhe rritjen e normës së ditëve të cilësisë së mirë të ajrit me 1 pikë përqindjeje.

Leximi PM2.5 monitoron grimcat e ajrit me diametër 2.5 mikron ose më pak, të cilat mund të depërtojnë thellë në mushkëritë e njerëzve. (Fatosi)