Foto nga VCG
Pasi Kina optimizoi përgjigjen e saj ndaj Covid-19, dhjetëra shumëkombëshe kanë kontaktuar Ministrinë e Tregtisë kineze për ndihmë në organizimin e vizitave të biznesit në Kinë, deklaroi zëdhënësja e ministrisë. Sipas saj, për të përmbushur më mirë nevojat e shumëkombësheve, ministria do të forcojë shkëmbimet e rregullta me kompanitë e huaja dhe shoqatat e biznesit jashtë shtetit dhe do të zbatojë plotësisht trajtimin kombëtar të firmave të financuara nga jashtë.
Firmat globale janë gati të shfrytëzojnë mundësitë në tregun kinez që po rimëkëmbet, me disa që bëjnë udhëtime biznesi të shumëpritura dhe të tjera duke qëndruar në krye të lëvizjeve më të fundit të politikave.
Për Oliver Blume, drejtor i bordit drejtues të “Volkswagen AG”, udhëtimi i tij i fundit i biznesit në Kinë e forcoi optimizmin e tij.
“Kina është tregu më i rëndësishëm për ne dhe ne do të vazhdojmë të zgjerojmë linjën tonë të produkteve në vend”,- tha Blume në një intervistë për agjencinë e lajmeve “Xinhua”.
Pas festës së Festivalit të Pranverës, Blume kaloi një javë të plotë duke vizituar Pekinin, Shangain, Changchun në provincën Jilin dhe Hefei në provincën Anhui, duke shkëmbyer ide me kolegë kinezë, partnerë biznesi dhe përfaqësues nga qeveritë lokale.
Bisedime të tilla ballë për ballë dhe vizita intensive në terren kanë çuar në një kuptim më të thellë të tregut kinez. “Ne parashikojmë që tregu kinez i automobilave do të ruajë vrullin e rimëkëmbjes gjatë këtij viti. Perspektiva e tregut për automjetet me energji të re është veçanërisht e mirë”,- tha Blume.
Duke u mbështetur në ekonominë e Kinës, ai tha se “Volkswagen” do të ndërtojë partneritete të reja teknologjike në tregun kinez.
“Volkswagen AG” nuk është e vetmja peshë e rëndë globale që kërkon të kuptojë më tej ekonominë kineze për të kapur mundësitë e saj. Pasi Kina optimizoi përgjigjen e saj ndaj Covid-19, dhjetëra shumëkombëshe kanë kontaktuar Ministrinë e Tregtisë kineze për ndihmë në organizimin e vizitave të biznesit në Kinë, deklaroi zëdhënësja e ministrisë Shu Jueting.
Për të përmbushur më mirë nevojat e shumëkombësheve, Shu tha se ministria do të forcojë shkëmbimet e rregullta me kompanitë e huaja dhe shoqatat e biznesit jashtë shtetit dhe do të zbatojë plotësisht trajtimin kombëtar të firmave të financuara nga jashtë.
Më 15 mars, në një konferencë për media kushtuar bizneseve të huaja në Kinë, zëvendësministri i Tregtisë, Sheng Qiuping, ripohoi angazhimin e Kinës për avancimin e vazhdueshëm të hapjes. Ai prezantoi në detaje sinjalet pozitive të nxjerra nga raporti i punës së qeverisë së këtij viti, si dhe kushtet e favorshme të vendit për firmat e huaja për të zgjeruar investimet, duke përfshirë një shkallë tregu në rritje, stimuj të zgjeruar nga politikat e hapjes dhe vrullin e ri të rritjes në zhvillim.
Leon Wang, zv.drejtor ekzekutiv i kompanisë farmaceutike “AstraZeneca”, tregoi një interes të madh për mjedisin e politikave të Kinës dhe i kushtoi vëmendje të veçantë raportit të punës së qeverisë.
“Kina ka rinovuar zotimin e saj për të intensifikuar përpjekjet për tërheqjen dhe përdorimin e investimeve të huaja në raportin e këtij viti. Ne mendojmë se mund të pritet hapja e mëtejshme e vendit dhe mjedis më i mirë i biznesit për kompanitë jashtë shtetit”,- tha Wang, duke theksuar se si një nga tregjet më të mëdha mjekësore në botë, Kina është bërë motori më i rëndësishëm i rritjes së kompanisë.
“AstraZeneca” parashikon që këtë vit të përshpejtojë kërkimin dhe zhvillimin në Kinë dhe të mbështetet në selinë e saj rajonale në Pekin, Guangzhou,provincën Guangdong; Wuxi, provinca Jiangsu, Hangzhou, provinca Zhejiang; Chengdu, provinca Sichuan; dhe Qingdao, provinca Shandong, për të promovuar integrimin e gjithë industrisë.
Kompania mezi pret Forumin Boao për Azinë dhe Forumin e Zhvillimit të Kinës dhe pritet të zhvillojë aktivitetin me prani fizike në Shangai, me temë “AstraZeneca R&D China Science Day”.
Foto nga VCG
Një sondazh i fundit i kryer nga Dhoma Amerikane e Tregtisë në Kinën jugore tregoi gjithashtu optimizmin në rritje, pasi mbi 90 për qind e kompanive të anketuara bënë të ditur se e konsiderojnë Kinën si një nga destinacionet e tyre më të rëndësishme të investimeve, me 75 për qind të të anketuarve që planifikojnë të riinvestojnë në Kinë gjatë këtij viti.
Të dhënat zyrtare nga Ministria e Tregtisë hedhin dritë mbi dinamikën e investimeve. Në dy muajt e parë të vitit, investimet e huaja direkte në territorin kinez, në përdorim aktual, u zgjeruan 6.1 për qind në bazë vjetore në 268.44 miliardë juanë (39.18 miliardë dollarë).
Fondi Monetar Ndërkombëtar ka rritur projeksionin e tij për rritjen ekonomike të Kinës në vitin 2023 në 5.2 për qind. “Morgan Stanley”, “Goldman Sachs” dhe banka të tjera investimesh kanë rishikuar gjithashtu parashikimet e tyre në rritje.
Me efektin e sinergjisë së politikave të ndryshme në lojë, ekonomia e Kinës pritet të rritet dhe të bëhet përsëri një lokomotivë e rëndësishme e rritjes ekonomike globale, tha Zhang Ming, zëvendësdrejtor i Institutit të Financave nën Akademinë Kineze të Shkencave Sociale.
Për Wang, objektivi zyrtar i rritjes së këtij viti prej rreth 5 për qind është një sugjerim i fortë i vendosmërisë së Kinës për të stabilizuar ekonominë e saj.
