Foto: VCG
Tridhjetë e tetë për qind e publikut amerikan që ka marrë pjesë në një sondazh e miratojnë mënyrën se si presidenti i SHBA-së Joe Biden po e trajton punën e tij. Mbështetja po i afrohej pikës më të ulët të presidencës së Biden në sondazhet e kryera nga Qendra për Kërkimin e Çështjeve Publike “Associated Press-NORC”, citon “Xinhua”.
Pikëpamjet se si Biden po e trajton ekonominë kombëtare janë më negative. Vetëm 31 për qind e miratojnë trajtimin e tij me ekonominë e vendit, krahasuar me 68 për qind që nuk e miratojnë.
Shtatëdhjetë e gjashtë për qind e demokratëve të anketuar e miratojnë mënyrën se si ai po e trajton punën e tij si president i SHBA-së dhe 63 për qind e miratojnë trajtimin e tij me ekonominë.
Republikanët vazhdojnë mos të miratojnë performancën e tij në punë dhe trajtimin e tij me ekonominë.
Pikëpamjet për drejtimin e vendit janë më pesimiste se një muaj më parë.
Në përgjithësi, 21 për qind e publikut thonë se Shtetet e Bashkuara po shkojnë në drejtimin e duhur, krahasuar me 28 për qind që thanë të njëjtën gjë muajin e kaluar.
Si demokratët ashtu edhe republikanët kanë më pak gjasa të thonë se vendi po shkon në drejtimin e duhur në krahasim me shkurtin e këtij viti.
Sondazhi u krye nga 16-20 mars. Marzhi i gabimit të kampionimit për të gjithë të anketuarit është plus ose minus 4 pikë përqindje. (Irma)