Foto nga VCG
Udhëheqësi suprem i Iranit, Ali Khamenei, deklaroi se vendi është i gatshëm të punojë me çdo vend europian që nuk do t'i bindet verbërisht politikave të SHBA-së.
Lideri i bëri komentet në një fjalim para njerëzve në qytetin verilindor të Mashhadit në ditën e parë të vitit të ri në Iran, bën të ditur “Xinhua”.
Ai tha se Irani gjithashtu planifikon të përmirësojë më tej marrëdhëniet e tij me vendet aziatike, afrikane dhe të Amerikës Latine.
Udhëheqësi i lartë iranian tha se Perëndimi ka bërë përpjekje për të izoluar Iranin, por ajo që ndodhi në terren ishte se lidhjet me Azinë u bënë 100 për qind më të forta dhe do të vazhdojnë marrëdhënie politike, ekonomike, teknike dhe shkencore me shtetet aziatike.
Ai vlerësoi gjithashtu forcën dhe rezistencën e popullit iranian kundër komploteve të armiqve. (Elona)