foto nga VCG

Ali Bagheri Kani, zëvendësministër i Jashtëm për Çështjet Politike, deklaroi se Irani së shpejti do të dërgojë ambasadorin e tij në Emiratet e Bashkuara Arabe (EBA).

Sipas tij, Irani ka emëruar të dërguarin e posaçëm dhe procesi i dërgimit të tij në Abu Dhabi po kalon në fazat përfundimtare, njoftoi agjencia zyrtare e lajmeve “Irna”, shkruan “Xinhua”.

Deklarata e Kani vjen pas bisedimeve të sekretarit të Këshillit të Lartë të Sigurisë Kombëtare të Iranit, Ali Shamkhani, me presidentin e Emirateve të Bashkuara Arabe, sheikun Mohamed bin Zayed Al Nahyan, dhe Këshilltarin e Sigurisë Kombëtare, sheikun Tahnoon bin Zayed Al Nahyan, gjatë një vizite në Emiratet e Bashkuara Arabe.

Në shtator 2022, Emiratet e Bashkuara Arabe rivendosën ambasadorin e tyre në Iran, disa vite pasi të dy vendet reduktuan marrëdhëniet.

Në vitin 2016, Emiratet e Bashkuara Arabe ulën nivelin e marrëdhënieve me Iranin pasi Arabia Saudite ndërpreu marrëdhëniet diplomatike me Iranin në përgjigje të protestave të mbajtura jashtë Ambasadës Saudite në kryeqytetin iranian të Teheranit pasi mbretëria ekzekutoi një klerik të lartë shiit. (Irma)