Reforma per pensionet ne France (Foto Xinhua)

Senati francez miratoi të enjten versionin përfundimtar të projektligjit të reformës së pensioneve, i cili do të shtojë moshën e pensionit me dy vjet në 64 vjeç nga viti 2027.

193 senatorë francezë votuan pro dhe 114 kundër projektligjit që u përpunua një ditë më parë nga komiteti i përbashkët i shtatë senatorëve dhe shtatë anëtarëve të Asamblesë Kombëtare. Vota e Asamblesë Kombëtare është vendimtare që projektligji të kthehet në ligj, shkruan “Xinhua”.

Drafti u miratua pavarësisht protestave që përfshinë Francën kundër këtij projektligji.

Kryeministrja franceze Elisabeth Borne paraqiti detaje të planit të reformës së pensioneve në janar, sipas të cilit mosha ligjore e pensionit do të rritej në mënyrë progresive me tre muaj në vit nga 62 në 64 deri në vitin 2030 dhe do të futej një pension minimal i garantuar.

Sipas planit, që nga viti 2027, do të kërkohen të paktën 43 vjet punë për t'u kualifikuar për një pension të plotë. (Irma)