Li Qiang-u bën betim para Kushtetutës si kryeministër, Pallat i Madh i Popullit, Pekin, 11 mars 2023(Foto:Xinhua)

Më shumë liderë shtetërorë të Kinës u zgjodhën të shtunën në sesionin e parë të legjislaturës së 14-të të Asamblesë Kombëtare Popullore (parlamenti kinez), i cili po vijon punimet. 

Li Qiang u caktua me votim nga parlamenti si kryeministër, duke miratuar emërimin nga presidenti Xi Jinping. 

Ndërkohë, Zhang Youxia dhe He Weidong u zgjodhën nënkryetarë të Komisionit Qendror Ushtarak të Republikës Popullore të Kinës. Liu Jinguo u zgjodh në postin e kreut të Komisionit Kombëtar të Mbikëqyrjes, Zhang Jun si  kryetar i Gjykatës Popullore Supreme, ndërsa Ying Yong si kryetar i përgjithshëm i Prokurorisë Popullore Supreme. 

Rreth 3.000 deputetë morën pjesë në votimet e së shtunës. 

Të zgjedhurit bëjnë betim para Kushtetutës(Foto:Xinhua)

Pas shpalljes së rezultateve, të zgjedhurit bënë betimin para Kushtetutës në prani të mbi 2 900 anëtarëve të Asamblesë Kombëtare Popullore.(Zhang Yan)