Foto nga VCG
Sipas specialistëve, rimëkëmbja e ekonomisë kineze pritet ta qetësojë inflacionin global. Ata thonë se rihapja e Kinës do të ndihmojë në frenimin e inflacionit në rritje globalisht, pasi normalizimi i aktiviteteve ekonomike do të stabilizojë zinxhirët e furnizimit. Në analizën e tyre thuhet se inflacioni nuk do të jetë një shqetësim i madh për Kinën gjatë këtij viti dhe vendi do t'i mbajë çmimet e përgjithshme të qëndrueshme.
Foto nga VCG
Rimëkëmbja ekonomike e Kinës shpresohet të qetësojë inflacionin global
Rimëkëmbja e ekonomisë kineze pritet ta qetësojë inflacionin global në vend që ta rrisë atë. Sipas ekonomistëve dhe analistëve, rritja e inflacionit të Kinës dhe çmimet e përgjithshme do të mbeten të zbutura dhe të qëndrueshme.
Robin Xing, kryeekonomisti i “Morgan Stanley” për Kinën, tha se rihapja e Kinës do të ndihmojë në frenimin e inflacionit në rritje globalisht, pasi normalizimi i aktiviteteve ekonomike do të stabilizojë zinxhirët e furnizimit dhe do t'i bëjë ato të funksionojnë në mënyrë më efektive. Ai theksoi se do të shmanget tronditja e ofertës lidhur me ofertën globale, një nga nxitësit e inflacionit.
Gjatë vitit të kaluar, shumë ekonomi anembanë globit dëshmuan rritjen më të madhe të inflacionit në 40 vitet e fundit për shkak të çmimeve të rënduara të energjisë dhe ushqimeve mes tensioneve gjeopolitike dhe stimulit masiv fiskal dhe monetar që miratuan shumë vende.
Në këtë sfond, Kina, ekonomia e dytë më e madhe në botë, ka arritur të përballet me presionet inflacioniste me masat efektive të qeverisë për të stabilizuar çmimet dhe furnizimet e nevojave ditore dhe të mallrave me shumicë.
Indeksi i çmimeve të konsumit të vendit, një matës kryesor i inflacionit, u rrit me 2 për qind në baza vjetore në vitin 2022, shumë më poshtë objektivit vjetor të inflacionit të vendit prej rreth 3 për qind, sipas Zyrës Kombëtare të Statistikave në Kinë.
Xing tha se beson se inflacioni nuk do të jetë një shqetësim i madh për Kinën gjatë këtij viti dhe vendi do t'i mbajë çmimet e përgjithshme të qëndrueshme brenda një intervali të arsyeshëm.
Foto nga VCG
Kur bëhet fjalë për shqetësimet se ringjallja e ekonomisë së dytë më të madhe në botë mund të rrisë çmimet globale të mallrave, Xing tha se rimëkëmbja ekonomike e Kinës do të nxitet kryesisht nga konsumi dhe jo nga shpenzimet e forta të infrastrukturës.
“Kjo do të thotë se rihapja e Kinës nuk do të rrisë inflacionin nëpërmjet mallrave, veçanërisht pasi Shtetet e Bashkuara të Amerikës dhe Europa mund të vuajnë nga kërkesa e dobët këtë vit”,- tha ai.
Duke marrë parasysh fuqinë e bollshme të punës në Kinë dhe gatishmërinë e saj të fortë për t'i kushtuar përpjekjet e tyre punës, Xing tha se rimëkëmbja e konsumit të shërbimeve nuk do të shtojë shumë presione inflacioniste.
Pavarësisht një rikuperimi të fortë të sektorëve të lëvizshmërisë dhe shërbimeve personale në gjysmën e dytë të janarit, Kina vazhdoi të printonte të dhëna për inflacionin e ulët. Në janar, indeksi i çmimeve të konsumit në Kinë u rrit me 2.1 për qind nga një vit më parë. Ndërkohë, ky indeks në SHBA u rrit me 6.4 për qind në janar.
Lu Ting, kryeekonomist për Kinën në “Nomura”, tha se rritja e inflacionit në baza vjetore u nxit kryesisht nga periudhat festive të Vitit të Ri Kinez, në janar të këtij viti dhe shkurt të vitit të kaluar.
Sipas tij, inflacioni në Kinë pritet të ulet pak, në 2 për qind në shkurt, duke reflektuar disa tërheqje pas efekteve të festës së Festivalit të Pranverës në janar.
Për vitin e plotë 2023, Kina do të synojë një normë inflacioni prej rreth 3 për qind, sipas Raportit të Punës së Qeverisë të dorëzuar të dielën në Asamblenë e 14-të Kombëtare Popullore, të mbajtur në Pekin.
