Autobuset elektrike (Foto Xinhua)
Firma keniane e automobilave, “Associated Vehicle Assemblers” (AVA), njoftoi se gjatë këtij viti do të montojë 130 autobusë elektrikë të prodhuar nga firma kineze e automobilave “BYD”.
Matt Lloyd, drejtor menaxhues i “AVA”, deklaroi për “Xinhua”, në kryeqytetin kenian Nairobi, se deri tani janë montuar 15 autobusë elektrikë BYD për tregun vendas që janë importuar si një koleksion pjesësh.
Foto nga VCG
“Avantazhi i BYD është se është një nga liderët në botë në prodhimin e automjeteve elektrike dhe niveli i cilësisë së automjeteve është shumë i lartë”,- tha Lloyd.
Sipas tij, autobusët BYD të montuar në vend kanë standarde të larta sigurie dhe për këtë arsye do të rrisin sigurinë e përgjithshme rrugore të Kenias.
Foto nga VCG
Ai theksoi se firma e tij ka fituar teknologji moderne të automobilave përmes këshillave teknike që ka marrë nga “BYD”. (Irma)