Prodhuesi kinez i telefonave inteligjentë “Xiaomi” dhe “Jidu”, një sipërmarrje e përbashkët midis gjigantit të teknologjisë vendase “Baidu” dhe prodhuesit të makinave “Geely”, po tentojnë të futen në tregun e automjeteve me energji të re, duke u përballur me konkurrencën, përmes sistemeve të avancuara inteligjente. “Xiaomi” njoftoi se do të përdorë teknologjinë e saj në internetin e gjërave për të ofruar përvojën e ekosistemit digjital përmes automjeteve të saj. Ndërsa karakteristikat inteligjente të drejtimit janë një pikë kyçe e shitjes për makinat “Jidu”, pasi krenohet me vitet e kërkimit dhe zhvillimit të “Baidu” në drejtimin inteligjent.
Selia e Xiaomi-së në Pekin(Foto:VCG)
Mes konkurrencës së ashpër në tregun e automjeteve me energji të re në Kinë, ku lojtarët e njohur dhe hyrjet e reja po konkurrojnë për pjesën e tregut, këta të fundit po bëjnë përpjekje për t'u dalluar dhe për të ofruar produkte tërheqëse në tregun më të madh në botë të makinave me energji të re (NEV).
Dy prej tyre janë prodhuesi kinez i telefonave inteligjentë “Xiaomi” dhe “Jidu”, një sipërmarrje e përbashkët midis gjigantit të teknologjisë vendase “Baidu” dhe prodhuesit të makinave “Geely”. Të dy njoftuan hyrjen e tyre në tregun e automjeteve inteligjente gati dy vjet më parë dhe pritet të dorëzojnë produktet e tyre këtë vit.
Javën e kaluar, drejtori ekzekutiv i “Jidu”, Xia Yiping tha se modeli i tij i parë Robo-01 do të vihet në prodhim në fabrikën e “Geely” në Hangzhou, në provincën Zhejiang, rreth fillimit të marsit.
Modeli përmban pikat unike të shitjes së “Jidu”, të tilla si drejtimi inteligjent i “Baidu Apollo”, arkitektura SEA e “Geely” dhe çipat kompjuterikë nga “Qualcomm” dhe “Nvidia”.
Xia tha se produktet e “Jidu” janë shumë konkurruese, falë kontrolleve të tyre të kostos. Në mënyrë të ngjashme, “Tesla” ishte në gjendje të ulte çmimet duke ruajtur një diferencë të lartë bruto, kryesisht për shkak të avantazhit të saj kryesor konkurrues.
Makina e Jidu-së në ekspozitë(Foto:VCG)
“Jidu” është i bindur se mund ta tejkalojë “Tesla”-n për sa i përket dizajnit, hapësirës dhe përvojës së inteligjencës artificiale. Kështu që nuk jam i shqetësuar se reduktimet e çmimeve të “Tesla”-s do të ndikojnë në lançimin e produkteve tona të ardhshme”,- tha Xia, në përgjigje të pyetjes nëse është i shqetësuar në lidhje me uljet e çmimeve të “Tesla”- në janar.
Karakteristikat inteligjente të drejtimit janë një pikë kyçe e shitjes për makinat “Jidu”, pasi krenohet me vitet e kërkimit dhe zhvillimit të “Baidu” në drejtimin inteligjent.
Xia tha se prioriteti aktual i kompanisë është rritja e përdorimit të këtyre veçorive, të cilat aktualisht përdoren në më pak se 10 për qind të markave të tjera, në 60-70 për qind. Ata do ta bëjnë këtë duke përmirësuar teknologjinë e bazuar në platformën autonome të drejtimit “Baidu Apollo”.
“Jidu” gjithashtu do të fokusohet në zgjerimin e rrjetit të tij me qëllim të hapjes së 100 qendrave të përvojës në 46 qytete këtë vit. Kompania ka vendosur një objektiv për të arritur dërgesat vjetore të 800.000 automjeteve deri në vitin 2028.
I vetëm në këtë treg, “Xiaomi” është përballur me më shumë vështirësi në kualifikimet e prodhimit, zinxhirët e furnizimit dhe çështje të tjera, pasi ende nuk i ka zbuluar zyrtarisht modelet e saj.
Foto:VCG
Sipas raportimeve mediatike, “Xiaomi” kishte marrë kualifikimet e prodhimit NEV, që do të thotë se mund të prodhojë dhe shesë automjete në Kinë në vend që të hyjë në industri përmes një investimi, sipërmarrjesh të përbashkëta, blerjeve ose metodave të tjera.
Lidhur me kritikat se koha e nisjes së tij do të jetë shumë vonë, Lei Jun, drejtori ekzekutiv i “Xiaomi” dhe njësisë së saj të makinave elektrike, tha se kompania ka avantazhe në elektronikë, përvojën e përdoruesit dhe funksionimin e rrjetit, të cilat janë të rëndësishme për automjetet elektrike. “Është koha perfekte për të lançuar një produkt në vitin 2024”, tha ai.
“Xiaomi” ka ndërtuar një ekosistem me pajisje inteligjente dhe shtëpi inteligjente, duke fituar një bazë të madhe fansash. Kompania njoftoi se do të përdorë teknologjinë e saj në internetin e gjërave për të ofruar këtë përvojë të ekosistemit digjital përmes automjeteve të saj.
Kompania bëri të ditur se do të fillojë prodhimin masiv të automjetit të saj të parë në vitin 2024 dhe ka synime ambicioze për të arritur shitjet vjetore prej 10 milionë automjetesh dhe të bëhet ndër pesë prodhuesit kryesorë të automjeteve në mbarë botën gjatë 15-20 viteve të ardhshme.
Yale Zhang, drejtor menaxhues i kompanisë konsulente “Automotive Foresight”, tha se potenciali i tregut të automjeteve me energji të re në Kinë është ende i madh.
“Në dy ose tre vjet, kur raporti çmim-performancë i automjeteve me energji të re do të jetë i qëndrueshëm, kostoja e baterive do të jetë stabilizuar dhe automjetet me energji të re do të kenë kilometrazhe të ngjashme, konkurrenca do të zhvendoset drejt inteligjencës. Atëherë, kompanitë si “Jidu” dhe “Xiaomi” do të tregojnë avantazhet e tyre dhe do të dallohen nga markat e tjera”,- tha Yale.
Foto:VCG
Ndërkohë, gjetja e një pozicioni në treg nuk është një detyrë e lehtë. Siç deklaron Zhu Huarong, president i “Changan Automobile”, në fillim të këtij muaji, 75 marka kanë rënë në tre vitet e fundit dhe vlerësohet se 60-70 për qind e markave ekzistuese mund të dështojnë në tre deri në pesë vitet e ardhshme.
Zhang tha se markat e krijuara, duke përfshirë startup-et si “Tesla” dhe “Nio”, dhe prodhuesit tradicionalë të makinave, kanë zënë pothuajse çdo segment të tregut.
