Pekini

Tregu i makinave të përdorura në Kinë pritet të ketë një rimëkëmbje të qëndrueshme këtë vit, me një vëllim shitjesh që mund të arrijë në 20 milionë njësi, treguan të dhënat e industrisë, njofton “Xinhua”.

Sipas Shoqatës së Tregtarëve të Automobilave të Kinës, rreth 1.25 milionë automjete të përdorura u tregtuan në janar në Kinë, me një vlerë totale transaksioni prej 78.03 miliardë juanë (rreth 11.36 miliardë dollarë amerikanë).

Vëllimi i tregtisë ra 15.93 për qind nga viti në vit, tha shoqata, duke vënë në dukje se rënia ishte për shkak të një periudhe më të shkurtër tregtimi pasi shumica e tregtarëve mbyllën dyqanet herët për t'u kthyer në qytetet e tyre për bashkime familjare gjatë Festivalit të Pranverës.

Ndërkohë shoqata theksoi rritjen e kërkesës para festës njëjavore të Festës së Pranverës, duke thënë se zgjerimi i trafikut në dyqane dhe pastrimi më i shpejtë i inventarit tregojnë një rikuperim të shëndoshë të tregut.

Shoqata parashikoi gjithashtu një rritje të shitjeve nga viti në vit në shkurt dhe parashikoi një rikthim të industrisë në 2023. Të dhënat e anketës treguan se rreth gjysma e tregtarëve të makinave të përdorura prisnin më shumë se 20 për qind të rritjes së vëllimit të tregtisë këtë vit. (Fatosi)

Shangai