Firma italiane arrin sukses në Kinë
2023-02-20 18:10:55

foto nga Xinhua

Mirko Turrinën prezantoi produktet e kompanisë së tij/ foto nga Xinhua

Prodhimi final në punëtorinë e sapopërfunduar në komunën Tianjin (Tianxhin) të Kinës Veriore e mbushi Mirko Turrinën me emocion.

Punëtoria është faza e tretë e projektit të zgjerimit të Goglio Packaging Co Ltd, me një investim total prej 15 milionë euro (16 milionë dollarë).  Kompania italiane është e përkushtuar në prodhimin e ambalazheve aseptike për salcën e domates, lëngun dhe kafen, si dhe për mbushjen e pajisjeve dhe shërbimeve. Turrina, 47 vjeç, me prejardhje nga Italia, është drejtor i përgjithshëm i kompanisë.

Që nga  ardhja e tij në Kinë në vitin 2004, Turrina e ka quajtur qytetin jugor të Guangzhou në provincën Guangdong, si shtëpinë e tij.  Gjatë kësaj kohe, ai udhëhoqi me sukses sipërmarrjen e përbashkët të huaj drejt lokalizimit të plotë në Inxhinieri, Kërkim dhe Zhvillim dhe luajti një rol të rëndësishëm në listimin e kompanisë në Bursën Kombëtare të Aksioneve dhe Kuotimet e Kinës (NEEQ), i njohur gjithashtu si "bordi i tretë i ri".

Me një përvojë të pasur, Turrina u transferua në Tianjin në 2018, i etur për të ndërmarrë sfida të reja dhe për të vazhduar të lërë gjurmë.

Me një sy në mundësitë e jashtëzakonshme dhe avantazhin gjeografik të Tianjin dhe zhvillimin e koordinuar të rajonit Pekin-Tianjin–Hebei, ai u bashkua me fabrikën e Goglio's Tianjin.

foto nga VCG

Zona pilot e tregtisë së lirë në Tianjin/ foto nga VCG

Turrina beson se ekosistemi i biznesit i optimizuar vazhdimisht dhe mjedisi i favorshëm i politikave në Kinë kanë qenë katalizatorët kryesorë për rritjen dhe suksesin e kompanisë.

Për shembull, kompania angazhohet në tregtinë offshore, që do të thotë se si vendet e origjinës ashtu edhe shitja e mallrave të tregtuara janë destinacione jashtë shtetit, shpjegoi ai.

"Duhej të blinim disa mallra të tjera nga kompania jonë mëmë ose kompani simotra në SHBA dhe Evropë pasi nuk i lokalizonim disa produkte në Tianjin. Kjo krijoi disa probleme në të kaluarën," tha Turrina.

Bankat kineze nuk mundën të verifikonin nëse tregtitë ishin reale apo jo kur bëhej fjalë për tregtimin offshore, pasi mallrat nuk hynin në vend dhe nuk kishte asnjë deklaratë doganore. Selia e Goglio-s dhe degët e tjera të saj fillimisht do të dërgonin mallra jashtë Kinës në vendet e destinacionit përmes detit dhe më pas do të dërgonin faturat origjinale të ngarkesës në Tianjin.

Pasi faturat e ngarkesës të paraqiteshin në bankat kineze për verifikim, ato do t'u përcillen klientëve jashtë shtetit, duke lejuar marrjen e mallrave dhe duke i mundësuar fabrikës së Goglio's në Tianjin të shlyente llogaritë.

"Në këtë rast, fluksi i faturave do të zgjaste të paktën një muaj. Disa prej tyre mund të zgjasin edhe më shumë", tha Turrina.

foto nga Xinhua

Zona pilot e tregtisë së lirë në Tianjin/ foto nga VCG

Gjërat filluan të ndryshojnë në fund të vitit 2021 kur autoritetet kineze lëshuan një njoftim për të mbështetur zhvillimin e tregtisë së re ndërkombëtare offshore për të nxitur inovacionin. Zona e aeroportit të Zonës Pilot të Tregtisë së Lirë të Kinës, ku ndodhet kompania, pasoi së shpejti me një mënyrë të re të tregtisë offshore për të lehtësuar shërbimin.

Këto politika siguruan miratime kreditore për tregtinë  offshore të kompanisë, duke reduktuar kohën e dorëzimit për faturat e ngarkesës.  "Politikat e reja na ndihmuan të përmirësonim kënaqësinë e klientëve dhe biznesin tonë jashtë shtetit," tha Turrina.

“Ne dolëm mjaft mirë në krahasim me të kaluarën”, tha ai, duke shtuar se në vitin 2022, uzina e Tianjin pati një rritje vjetore prej 30 për qind të porosive nga Azia.

Në të ardhmen, Turrina shpreson ta bëjë fabrikën Tianjin qendrën prodhuese të Goglio në rajonin Azi-Paqësor dhe të ofrojë më shumë produkte dhe zgjidhje shërbimesh për klientët në Kinë si dhe pjesë të tjera të Azisë. Me afro dy dekada qëndrim në vend, Turrina ka marrë  leje të përhershme qëndrimi në Kinë  .

"Jam integruar plotësisht me jetën në Kinë. Ndihem i lumtur dhe dua të qëndroj më gjatë", tha Turrina.