Industria e energjisë së rinovueshme të Kinës vazhdon të udhëheqë globalisht
2023-02-14 11:32:51

Foto nga VCG

Industria e energjisë së rinovueshme të Kinës kryesoi globalisht në vitin 2022, deklaroi zyrtari i Administratës Kombëtare të Energjisë, Wang Dapeng, shkruan “Xinhua”.

Modulet fotovoltaike të prodhuara në Kinë, turbinat e erës, kutitë e ingranazheve dhe komponentët e tjerë kryesorë përbënin 70 për qind të pjesës së tregut global vitin e kaluar, tha Wang në një konferencë për shtyp.

“Qendra e gravitetit të industrisë së re të energjisë globale po zhvendoset më tej në Kinë”,- tha ai.

Zhvillimi i energjisë së rinovueshme të Kinës ka dhënë kontribut pozitiv në reduktimin e emetimeve globale.

Në vitin 2022, prodhimi i energjisë së rinovueshme të Kinës ishte i barabartë me një reduktim prej 2.26 miliardë tonësh të emetimeve vendase të dyoksidit të karbonit. Eksportet e energjisë së erës dhe produkteve fotovoltaike të Kinës ndihmuan vendet e tjera të reduktonin emetimet me rreth 573 milionë tonë.

Të dy shifrat shtuan deri në 2.83 miliardë tonë emetime, ose rreth 41 për qind të reduktimit total të emetimeve të karbonit në botë të konvertuar nga energjia e rinovueshme, tregojnë të dhënat nga administrata.

“Kina është bërë një pjesëmarrëse aktive dhe kontribuese e rëndësishme në luftën globale kundër ndryshimeve klimaterike”,- tha Wang. (Fatosi)