foto nga VCG

Wu Yibing u bë tenisti i parë nga Kina kontinentale që ngre një trofe në Turneun e ATP-së, pas fitores së Turneut të Hapur të Dallasit të dielën.

23-vjeçari përballoi 44 ajsë nga amerikani John Isner dhe shpëtoi katër pikë kampionati, duke arritur një fitore historike 6-7 (4), 7-6 (3), 7-6 (12) në dy orë e 59 minuta.

"Duke sikur ai luan për çdo pikë njësoj, kështu që përfundimisht nuk ka nerva," tha Isner për lojën e Wu-së. "Ai merr një top për ta goditur dhe e godit, dhe në këtë fushë është e vështirë të gjuash një top për të cilin ai është i papërgatitur. Ai është një goditës topi i jashtëzakonshëm dhe një talent shumë i mirë."

Wu kishte arritur tashmë një moment historik të shtunën, kur u bë tenisti i parë nga pjesa kontinentale e Kinës që hyri në një finale të Turneve të Hapur të ATP-së. Ai befasoi nr. 8 të botës Taylor Fritz të Shteteve të Bashkuara në gjysmëfinale, duke arritur fitoren e vet të parë me një tenist të dhjetëshes më të mirë në renditjen e ATP-së.

Ylli kinez në rritje të shpejtë do të ngjitet në vendin e 58-të në këtë renditje, më i miri në karrierën e vet deri tani.

"Gjëja më e rëndësishme është që unë i jap më shumë shpresë brezit të ardhshëm. Ata do të kenë qëllime a standarde edhe më të larta, jo vetëm hyrjen në renditjen e 100 më të mirëve apo fitimin e ATP 250," theksoi Wu.

foto nga VCG

foto nga VCG