Foto nga VCG

Ekipet kineze të shpëtimit filluan operacionet në provincën jugore Hatai të Turqisë, që ka pasur numrin më të madhe të jetëve të humbura nga tërmetet e së hënës. Një ekip shpëtimi kinez prej 82 anëtarësh filloi punën më 21:00 të së mërkurës sipas orës vendore në një apartament të rrëzuar me pesë kate, ku 10 banorë ishin të humbur. Ekipi, i dërguar nga Ministria kineze e Menaxhimit të Emergjencave, kishte me vete pajisje shpëtimi dhe furnizime.

Edhe pjesëtarët e Ekipit të Shpëtimit "Ramunion" të Kinës, që po ndihmojnë në punët e ndihmës e të shpëtimit pas tërmetit në Turqi, arritën në Iskenderun të Hatait nga Adanaja rreth orës 19:00.

Kina shpalli që do të ofrojë 30 milionë juanë ndihmë urgjente për Sirinë dhe do të përshpejtojë furnizimin me ushqime. Shoqëria e Kryqit të Kuq e Kinës dërgoi të enjten një ekip shpëtimi në Sirinë e goditur nga tërmeti.

Numri i vdekjeve nga tërmetet masive në Turqi dhe Siri u rrit mbi 15 000 të mërkurën, treguan të dhënat zyrtare, ndërsa punonjësit e shpëtimit ende kërkojnë për të mbijetuar.

Zyrtarët dhe mjekët thanë se 12 391 veta kanë vdekur në Turqi dhe 3 042 në Siri, duke e çuar numrin e përgjithshëm  në 15 433.