Ismail Qemali (Foto Facebook ambasadori kinez Ding Zhou)

Ambasadori i Kinës në Shqipëri, Zhou Ding, vizitoi Vlorën, në kuadër edhe të përvjetorit të ndarjes nga jeta të Ismail Qemalit.  

Përmes një postimi në rrjetet sociale, ambasadori shprehu respekt për kontributin e Ismail Qemalit në Shqipëri.  

“Qofshin të bukura përgjithmonë Vlora dhe Shqipëria”,- shkroi ai në postimin në “Facebook”.  

Ambasadori kinez ndau edhe një episod të këndshëm që hasi në rrugët e Vlorës. Ai tregoi se një zotëri e përshëndeti në gjuhën kineze dhe i foli për kohën që kishte kaluar në Kinë në vitin 1974, që sipas tij, ishte e paharrueshme.  

“Miqësia është kudo, pavarësisht kohës dhe hapësirës”, -shkroi ambasadori kinez. (Elona)