Foto nga VCG

Korporata Kineze e Shkencës dhe Teknologjisë së Hapësirës Ajrore (CASC) zbuloi planet për aktivitetet e shkencës dhe teknologjisë hapësinore të vendit në vitin 2023. Ajo planifikon të lançojë më shumë se 200 anije kozmike me mbi 60 misione hapësinore, thuhet në një raport të publikuar, citon “Xinhua”.

Sistemi Satelitor i Navigimit BeiDou-3 do të jetë dëshmitar i lëshimit të tre satelitëve rezervë, sipas CASC, duke theksuar se këtë vit do të përshpejtohet ndërtimi i një sistemi satelitor komercial të gjeneratës së re të sensorit në distancë.

Korporata gjithashtu u zotua të japë informacione mbi kapacitetet e tepërta të mbajtjes së raketave dhe të ofrojë mundësi lëshimi për përdoruesit komercialë.

Në vitin 2023, CASC do të avancojë në mënyrë gjithëpërfshirëse me fazën e katërt të eksplorimit hënor dhe eksplorimit planetar, si dhe do të zhvillojë sondën hënore “Chang'e-7” dhe atë të Marsit “Tianwen-2”.

Raketa mbajtëse “Long March-6C” do të bëjë fluturimin e saj të parë në vitin 2023, ndërsa seria e raketave transportuese “Long March” pritet të kalojë 500 lëshime në total, thuhet në raportin e CASC. (Irma)