Foto： VCG

Dhoma amerikane e Përfaqësuesve zgjodhi republikanin Kevin McCarthy për postin e kryetarit pas një bllokimi historik. McCarthy mblodhi mjaft vota për t'u bërë kryetar i Dhomës së Përfaqësuesve në raundin e 15-të të votimit - gara më e gjatë në 164 vjet - pas një lufte të ashpër me një grup konservatorësh të linjës së ashpër, bën të ditur “Xinhua”.

Ishte hera e parë që një kryetar i Dhomës nuk u zgjodh në votimin e parë në 100 vjet.

McCarthy thuhet se bëri një sërë lëshimesh, duke përfshirë një prag më të ulët për të detyruar një votim për shkarkimin e kryetarit të dhomës. Ai premtoi gjithashtu se përpjekjet për të rritur tavanin e borxhit të vendit duhet të shoqërohen me shkurtimet e shpenzimeve.

Udhëheqësi i shumicës në Senat, Chuck Schumer, demokrat i Nju Jorkut, iu përgjigj koncesioneve të supozuara pas zgjedhjes së McCarthy, duke thënë se propozimet do të shkaktojnë një mbyllje të qeverisë ose një dështim me pasoja shkatërruese për vendin. (Elona)