VCG
Mongolia do të përjashtojë qytetarët e 34 vendeve nga kërkesat për viza deri në 30 ditë deri në fund të vitit 2025, si pjesë e përpjekjeve të saj për të promovuar sektorin e turizmit të goditur nga pandemia, njoftoi Ministria e Punëve të Jashtme, citon “Xinhua”.
Ndër to, 32 janë vende europiane si Austria, Belgjika, Hungaria, Franca dhe Danimarka, si dhe Australia dhe Zelanda e Re.
Deri tani, sipas ministrisë, numri i vendeve të udhëtimit pa viza në Mongoli ka arritur në 61.
Qeveria mongole ka vendosur gjithashtu të shpallë 2023 dhe 2024 si “Vite për të vizituar Mongolinë”.
VCG
Aktualisht, ekonomia e Mongolisë është kryesisht e varur nga sektori i saj i minierave të orientuar drejt eksportit. Zhvillimi i turizmit shihet si mënyra më e qëndrueshme për të diversifikuar ekonominë e saj.
Vendi aziatik i ka vendosur vetes një objektiv që të mirëpresë një milion turistë të huaj dhe të fitojë 1 miliard dollarë amerikanë nga turizmi në vitin 2024. (Irma)