Transformimi digjital i ndërmarrjeve pritet të ketë një pikë kthese këtë vit dhe pesë vitet e ardhshme synohet të jenë ende një periudhë e artë për të ecur përpara me digjitalizimin, bëri të ditur kompania hulumtuese e tregut “International Data Corp”, duke parashikuar që më shumë se 50 për qind e prodhimit të brendshëm bruto global do të drejtohet nga ndërmarrjet e transformuara në mënyrë digjitale në pesë vitet e ardhshme. Shpenzimet për teknologjitë digjitale do të jenë ende fokusi kryesor i drejtuesve të kompanive globale dhe kineze.
Xinhua
Digjitalizimi po fiton terren me aplikim më të gjerë në Kinë
Shpenzimet e ndërmarrjeve kineze për digjitalizimin do të dëshmojnë rritje të shpejtë në vitin 2023, pasi teknologjitë digjitale më të avancuara, si 5G, inteligjenca artificiale dhe “cloud computing” janë aplikuar gjithnjë e më shumë në një gamë të gjerë fushash dhe janë integruar me ekonominë reale, sipas kompanisë hulumtuese të tregut “International Data Corp”.
Transformimi digjital i ndërmarrjeve pritet të ketë një pikë kthese këtë vit dhe pesë vitet e ardhshme synohet të jenë ende një periudhë e artë për të ecur përpara me digjitalizimin, bëri të ditur “IDC”, duke parashikuar që më shumë se 50 për qind e prodhimit të brendshëm bruto global do të drejtohet nga ndërmarrjet e transformuara në mënyrë digjitale në pesë vitet e ardhshme.
“Investimi i kompanive kineze në transformimin digjital pritet të katërfishojë rritjen ekonomike në vitin 2023, me normën e përbërë të rritjes vjetore të shpenzimeve të biznesit digjital që pritet të arrijë në 19.1 për qind midis viteve 2023-2026”,- deklaroi Wu Lianfeng, zëvendëspresident i “IDC China” dhe analisti kryesor i hulumtimit.
nga VCG
Sipas tij, deri në vitin 2027, rreth 40 për qind e të ardhurave totale për afro 2000 kompanitë kryesore të Kinës do të gjenerohen nga produktet, shërbimet dhe përvojat digjitale, ndërsa shifra aktuale qëndron në më pak se 20 për qind.
Shpenzimet për teknologjitë digjitale do të jenë ende fokusi kryesor i drejtuesve të kompanive globale dhe kineze. Numri i ndërmarrjeve teknologjike midis 500 kompanive kryesore të Kinës do të dyfishohet deri në vitin 2027. Përveç kësaj, deri në vitin 2024, 40 për qind e CEO-ve nga 2000 kompanitë kryesore të Kinës do të krijojnë marrëdhënie strategjike me ofruesit e tyre të shërbimeve të “cloud computing”, sipas “IDC”-së.
Përqindja e shpenzimeve të ndërmarrjeve me shërbim në softuer në të gjithë globin ka të ngjarë të kalojë 50 për qind në totalin e shpenzimeve. Deri në vitin 2026, ndërmarrjet që nuk arrijnë të trajtojnë në mënyrë efektive boshllëkun e talenteve dhe aftësive digjitale në organizatat e tyre do të kufizojnë mundësitë e rritjes së të ardhurave me 20 për qind.
Me lulëzimin e 5G, të dhënave të mëdha, inteligjencës artificiale dhe teknologjive të tjera inovative digjitale, ekonomia digjitale po bëhet gradualisht forca lëvizëse integrale për rritjen ekonomike.
nga VCG
Shkalla e ekonomisë digjitale të Kinës arriti në 45.5 trilionë juanë (6.6 trilionë dollarë) në vitin 2021, duke u renditur e dyta në botë dhe përbën 39.8 për qind të PBB-së së vendit, sipas një dokumenti të publikuar nga Akademia e Teknologjisë së Informacionit dhe Komunikimit të Kinës.
Ndërmarrjet në fushën e financave, telekomunikacionit dhe internetit kanë marrë drejtimin në digjitalizim dhe kanë investuar shumë në teknologjitë digjitale, tha Wu, duke shtuar se qeveritë në mbarë botën i kanë kushtuar një rëndësi të madhe digjitalizimit. Sipas tij, transformimi digjital po përshpejtohet gjithashtu në sektorët e rinj të shitjes me pakicë, prodhimit të teknologjisë së lartë dhe transportit, si dhe ka hapësirë të madhe për rritje në bujqësi.
Janarin e kaluar, Këshilli i Shtetit njoftoi një plan për të promovuar më tej zhvillimin e ekonomisë digjitale gjatë periudhës së Planit të 14-të Pesëvjeçar (2021-2025). Sipas planit, vendi synon të rrisë përqindjen e vlerës së shtuar të industrive kryesore të ekonomisë digjitale në PBB-në e tij në 10 për qind në vitin 2025.
Wu theksoi gjithashtu se ndërmarrjet kineze po përballen me vështirësi dhe sfida në rritje në procesin e transformimit digjital, si mungesa e inovacionit dhe bashkëpunimit midis departamenteve të ndryshme të ndërmarrjeve, mungesat buxhetore dhe aftësitë e pamjaftueshme. Ai bëri thirrje që ndërmarrjet të hartojnë plane afatgjata për transformimin digjital dhe të investojnë vazhdimisht në këtë fushë.
Digjitalizimi i ndërmarrjeve shërben si gur themeli i ekonomisë digjitale, tha Li Wei, zv.drejtor për “cloud computing” dhe kërkimit të të dhënave të mëdha në CAICT, duke shtuar se pandemia Covid-19 ka përshpejtuar zhvillimin e shërbimeve “cloud” dhe aplikacioneve të “cloud computing”, të cilat ka luajtur një rol jetik në nxitjen e zhvillimit të ekonomisë digjitale.
nga VCG
Ndërmarrjet duhet të përshpejtojnë ritmin e transformimit digjital, të përqendrohen në kërkesat e konsumatorëve dhe të integrojnë kanalet online dhe me prani fizike, si dhe të promovojnë transformimin dhe përmirësimin e industrive tradicionale, tha Li.
Xiang Ligang, drejtor i përgjithshëm i Aleancës së Konsumit të Informacionit, një shoqatë e industrisë së telekomit, tha se teknologjitë digjitale në zhvillim të përfaqësuara nga 5G, të dhënat e mëdha dhe inteligjenca artificiale kanë luajtur një rol me rëndësi në rritjen e efikasitetit operacional, uljen e kostove dhe përmirësimin e konkurrencës thelbësore të industrive tradicionale mes presionit ekonomik në rënie.
