Foto nga VCG
Presidenti rus, Vladimir Putin, nënshkroi një dekret të martën që prezanton kundërmasa ndaj tavanit të çmimit të vendosur nga vendet perëndimore për naftën ruse. Sipas dekretit, furnizimi i naftës dhe produkteve të naftës ruse për personat juridikë dhe individët e huaj do të ndalohet nëse në kontrata përcaktohet drejtpërdrejt ose indirekt një kufizim çmimi, përcjell “Xinhua”.
Presidenti rus mund të japë një leje të veçantë për dërgimin e naftës dhe produkteve të naftës që janë të ndaluara sipas dekretit.
Dokumenti do të hyjë në fuqi më 1 shkurt dhe do të jetë i vlefshëm deri më 1 korrik 2023. Ndalimi i naftës do të hyjë në fuqi më 1 shkurt dhe qeveria ruse do të vendosë datën e ndalimit të produkteve të saj. Një kufi prej 60 dollarësh amerikanë për fuçi për çmimin e naftës së papërpunuar ruse, i rënë dakord nga Bashkimi Evropian, Grupi i Shtatë vendeve dhe Australia, hyri në fuqi më 5 dhjetor. (Elona)