Foto nga VCG

“E-ink”, e njohur gjithashtu si “bojë elektronike” ose “letër elektronike”, është një teknologji ekrani e njohur për konsumin e ulët të energjisë dhe ngjashmërinë vizuale me bojën në letër. Ndryshe nga ekranet tradicionale si LED, të cilët shpesh përfshijnë pikselë individualë që secili shfaq një ngjyrë, ekranet “e-ink” janë bërë nga një shtresë e hollë mbi miliona kapsula të vogla të mbushura me grimca që notojnë në një lëng të pastër. Shumë kompani kineze po synojnë përdorimin e këtij ekrani në pajisje të ndryshme elektronike

Kompania kineze e ekranit “e-ink”, “Beijing Dasung Tech Co Ltd”, po kërkon të zgjerojë aplikimin e këtyre ekraneve në monitorë, tablete dhe telefona inteligjentë, si dhe të tërheqë një gjeneratë të re konsumatorësh përmes dizajnit të produkteve të larmishme.

Chen Rui, bashkëthemelues dhe shefi i teknologjisë së “Dasung”, tha se kompania ka investuar shumë në zhvillimin e këtyre ekraneve me një shpejtësi rifreskimi të lartë dhe ka zgjeruar skenarët e aplikimit të ekraneve të ngjashme me letër nga lexuesit e librave elektronikë në monitorët, tabletët dhe ekranet “e-ink” të smartfonëve.

“E-ink”, e njohur gjithashtu si “bojë elektronike” ose “letër elektronike”, është një teknologji ekrani e njohur për konsumin e ulët të energjisë dhe ngjashmërinë vizuale me bojën në letër. Ndryshe nga ekranet tradicionale si LED, të cilët shpesh përfshijnë pikselë individualë që secili shfaq një ngjyrë, ekranet “e-ink” janë bërë nga një shtresë e hollë mbi miliona kapsula të vogla të mbushura me grimca që notojnë në një lëng të pastër.

“Amazon's Kindle” ka vepruar mirë me lexuesit e librave elektronikë, por përdoruesit e synuar të lexuesve elektronikë janë relativisht të kufizuar. Prandaj, pyetja se si të marrë drejtimin në prezantimin e produkteve të reja përmes inovacionit të vazhdueshëm, si dhe zgjerimit të grupeve të ndryshme të përdoruesve dhe aplikacionet mund të jenë çelësi për promovimin e përdorimit në shkallë të gjerë të ekraneve “e-ink”,- tha Chen.

Këto ekrane pritet të jenë një pikë e re dhe risi për sektorin e telefonave celularë, tha ai, duke shtuar se kompania shpreson të bashkëpunojë me prodhuesit kryesorë të smartfonëve dhe të nxjerrë së bashku produkte të lidhura me bojën elektronike.

Ai vuri në dukje se aktualisht, ekranet “e-ink” mbeten një treg i veçantë dhe nevojiten më shumë përpjekje për të bërë përparime në teknologji dhe për të kapur kërkesën e mundshme të përdoruesve nëpërmjet një shumëllojshmërie produktesh të reja.

Kompania së fundi ka lançuar produktet e saj më të fundit kryesore, duke përfshirë monitorin e parë në botë të lakuar “e-ink” 25.3 inç (64.3 centimetra), “Paperlike U”, dhe ekranin e parë në botë të smartfonit me “e-ink” 6.7 inç, “Link”.

E themeluar në vitin 2014, “Dasung” synon të nxisë aplikimin e ekraneve të ngjashme me letrën në pajisjet inteligjente dhe inovacionin e llojeve të ndryshme të ekraneve “e-ink”. Ndryshe nga ekranet tradicionale me kristal të lëngshëm, ku një dritë e prapme projektohet drejt syve, ekrani “e-ink” reflekton dritën e ambientit nga mjedisi dhe ofron një përvojë shikimi të ngjashme me letrën me kënde të gjera shikimi dhe konsum të ulët të energjisë, duke reduktuar kështu tendosjen e syve, thanë ekspertët.

Sipas kompanisë së kërkimit të tregut “TrendForce”, të ardhurat e tregut global të ekranit “e-ink” arritën në 3.1 miliardë dollarë në vitin 2021, dhe shifra pritet të arrijë në 20.34 miliardë dollarë në vitin 2026, me një normë të përbërë rritjeje vjetore që arrin në 45.62 për qind.

“Përdoruesit kryesorë të ekraneve “e-ink” janë mësuesit e universitetit, studentët dhe programuesit, të cilët kalojnë shumë kohë përpara pajisjeve elektronike, si dhe personat me sindromën e syrit të thatë. Ata kanë shfaqur një kërkesë të fortë për mbrojtjen e syve”,- tha Chen.

Dong Hui, analist në konsulencën e internetit “Analysys”, në Pekin, tha se letra elektronike mund të përdoret në fushën e pajisjeve të zyrës dhe ekranet e përmasave të mëdha, ekranet fleksibël “e-ink” me një funksion shkrimi dore, kanë potencial të madh rritjeje mes përpjekjeve të vendit për të arritur maksimumin e tij të karbonit dhe objektivat e neutralitetit.

Ndërsa numri i personave që përdorin produkte të ekranit “e-ink” rritet dhe kapaciteti i prodhimit gradualisht përmirësohet, Chen vuri në dukje se kostot e prodhimit të ekraneve “e-ink” do të kenë një rënie.

“Dasung” ka shitur produktet e saj në 78 vende dhe rajone anembanë botës, duke u fokusuar kryesisht në Shtetet e Bashkuara, Japoni, Evropë dhe tregje të tjera të zhvilluara, ku vendasit i kushtojnë më shumë vëmendje shëndetit dhe kanë fuqinë dhe kërkesën më të madhe blerëse, shtoi ai.

Të dhënat nga konsulenca e tregut “Runto” treguan se së bashku me shtimin e zyrave pa letra dhe leximin digjital, dërgesa e pajisjeve elektronike me madhësi të madhe do të arrijë në rreth 15 milionë njësi në vitin 2022, një rritje prej më shumë se 15 për qind nga viti në vit.

Kompani të tjera kineze po zgjerojnë aktivitetin e tyre në fushën e ekranit “e-ink”. Në maj, “Hanvon Technology” zbuloi e-lexuesin e saj më të fundit, i cili u mundëson përdoruesve të lexojnë libra elektronikë dhe të mbajnë shënime në ekranin e tij “e-ink” 10.3 inç me definicion të lartë. Prodhuesi kinez i pajisjeve shtëpiake “Hisense Group” ka lançuar smartfonin e tij më të fundit të ekranit “e-ink”, A9, që synon të pasionuarit pas librave elektronikë.

“Disa kompani kanë miratuar strategji të diferencuara dhe kanë lançuar pajisje terminale të ekranit elektronik në një përpjekje për të tërhequr grupe të veçanta përdoruesish”,- tha Ding Shaojiang, analist i pavarur i elektronikës së konsumit.

Sipas tij, në epokën e internetit të gjërave, ata duhet të eksplorojnë më shumë skenarë aplikacionesh në lidhje me ekranet “e-ink”, siç është sinjalizimi digjital i përdorur në supermarkete dhe zyra.