Foto nga VCG
Firmat gjermane treguan optimizëm për perspektivat e performancës së tyre të biznesit në Kinë në vitin 2023, pasi ekonomia e dytë më e madhe në botë optimizoi përgjigjen e saj ndaj Covid-19 dhe u zotua për mbështetje më të fortë për rritjen ekonomike. Sipas një sondazhi mes kompanive gjermane me bazë në Kinë, rreth 37 për qind e të anketuarve parashikojnë fitime më të larta vitin e ardhshëm. Sipas anketës, masat e fundit të ndërmarra nga autoritetet kineze në përgjigje kundër Covid-19 janë një zhvillim shumë i mirëpritur dhe ndihmon në rivendosjen e besimit të biznesit në afat të mesëm dhe afatgjatë.
Firmat gjermane treguan optimizëm për perspektivat e performancës së tyre të biznesit në Kinë në vitin 2023, pasi ekonomia e dytë më e madhe në botë optimizoi përgjigjen e saj ndaj Covid-19 dhe u zotua për mbështetje më të fortë për rritjen ekonomike.
Gjysma e 593 kompanive gjermane të anketuara me bazë në Kinë presin një rritje të qarkullimit në vitin 2023 krahasuar me vitin 2022, bëhet e ditur në sondazhin e fundit të besimit të biznesit nga Dhoma Gjermane e Tregtisë në Kinë.
Ndër të anketuarit, rreth 37 për qind parashikojnë fitime më të larta vitin e ardhshëm. Ndërkohë, rreth 77 për qind e ndërmarrjeve gjermane të anketuara prisnin rritje vjetore të rritjes së industrive të tyre për pesë vitet e ardhshme. Në fillim të këtij muaji, Kina njoftoi një sërë masash për të optimizuar përgjigjen e saj ndaj Covid-19 në mënyrë që ta koordinojë më mirë atë me nevojat e zhvillimit ekonomik dhe social, duke shënuar kalimin në një fazë të re të parandalimit dhe kontrollit të Covid në vend.
Masat e fundit të ndërmarra nga autoritetet kineze në përgjigje kundër Covid-19 janë një zhvillim shumë i mirëpritur dhe ndihmon në rivendosjen e besimit të biznesit në afat të mesëm dhe afatgjatë, thuhet në anketë. Firmat gjermane kanë investuar shumë në Kinë këtë vit. Të dhënat nga Ministria e Tregtisë treguan se në 10 muajt e parë të vitit 2022, investimet e huaja direkte nga Gjermania u rritën me 95.8 për qind në baza vjetore. Shumë nga investimet gjermane në Kinë synonin prodhimin, veçanërisht sektorin e automobilave.
Ndërmarrja e përbashkët e “BMW Group” në Kinë, “BMW Brilliance Automotive Ltd”, bëri të ditur në nëntor se do të investojë 10 miliardë juanë (1.43 miliardë dollarë) në një projekt të ri të prodhimit të baterive në provincën Liaoning të Kinës verilindore.
Investimi i ri pason një fazë të përmirësimit të gjerë në bazën e prodhimit të “BMW” në provincë, duke përfshirë një fabrikë 15 miliardë juanë e cila u hap në qershor 2022. Javën e kaluar, kamionët e rëndë të prodhimit vendas të prodhuesit gjerman të automobilave “Mercedes-Benz Trucks” dolën në tregun kinez. Këta kamionë prodhohen në një fabrikë në pronësi të një ndërmarrje të përbashkët kino-gjermane, e cila është në gjendje të prodhojë 60.000 kamionë çdo vit.
Lançimi zyrtar i kamionëve “Mercedes-Benz” të prodhuar në Kinë ishte një tjetër moment historik i zhvillimit afatgjatë të kompanisë në Kinë, tha Karl Deppen, anëtar i bordit të menaxhimit të “Daimler Truck Holding AG”. “Pavarësisht të gjitha gjasave dhe sfidave, Kina mbetet e pakrahasueshme për sa i përket madhësisë së tregut dhe mundësive të rritjes së tregut për shumë kompani gjermane. Shumica e tyre do të qëndrojnë të përkushtuar ndaj tregut kinez”,- tha Clas Neumann, kryetar i Dhomës Gjermane të Tregtisë në Kinë.
