Foto nga VCG
Zhongwei, një qytet me rreth 2500 vjet histori, dikur varej thuajse tërësisht nga bujqësia. Me investimin e kompanive teknologjike, autoritetet lokale përshpejtuan përdorimin e burimeve lokale të energjisë së gjelbër dhe tokës së shkretëtirës për të ndërtuar një qendër të të dhënave dhe kompjuterit “cloud” në nivel kombëtar.
Zhongwei, ka investuar më shumë se 10 miliardë juanë (rreth 1.43 miliardë dollarë amerikanë) për zgjerimin e mëtejshëm të bazës.
Kapaciteti operativ i bazës pritet të lejojë 700,000 serverë në shërbim, me rritje të kapacitetit prej 20 për qind nga viti në vit, sipas zyrtarëve lokalë. Industria e kompjuterëve “cloud” mund të ndihmojë qytetin të shndërrohet në një pararendës të ekonomisë digjitale
Baza e informatikës “cloud” në Kinën veriperëndimore përshpejton zgjerimin
Në bazën e informatikës “cloud” të Parkut Industrial Zhongwei në Rajonin Autonom Ningxia Hui të Kinës veriperëndimore, puna për të zgjeruar një kompleks masiv të të dhënave dhe qendrave kompjuterike “cloud” është përshpejtuar.
Projektimi dhe ndërtimi i kompleksit kryhen nga “China First Metallurgical Group Co., Ltd.” dhe mbulon një sipërfaqe prej rreth 3,530 hektarësh. Ajo do të jetë një nga tetë qendrat më të mëdha të të dhënave të integruara të Kinës.
Në ndërtesën numër 1 të kompleksit të marrë me qira nga “China Unicom”, 1500 serverë funksionojnë me shpejtësinë maksimale ditën dhe natën në rrezet e rafteve dy metra të lartë në dhomën e kompjuterëve.
"Ne po e mbajmë temperaturën brenda punishtes në 23 gradë Celsius dhe lagështinë në 30 për qind, në mënyrë që makineritë të mund të vazhdojnë të punojnë në mënyrë të qëndrueshme",- tha Wang Jiaying, një punonjës i “China Unicom”, përgjegjës për mirëmbajtjen e pajisjeve të dhomës.
Zhongwei, një qytet me rreth 2500 vjet histori, kufizohet me Lumin e Verdhë dhe me shkretëtirën Tengger. Ekonomia e këtij qyteti dikur varej pothuajse tërësisht nga bujqësia.
Pasi kompani si “Amazon” dhe “MCC Meili Cloud Computing Industry Investment Co., Ltd.” ngritën qendrat e tyre të funksionimit në qytet, përkatësisht në vitet 2013 dhe 2016, autoritetet lokale përshpejtuan përdorimin e burimeve lokale të energjisë së gjelbër dhe tokës së shkretëtirës për të ndërtuar një qendër të të dhënave dhe kompjuterit “cloud” në nivel kombëtar.
Politika e qytetit për të favorizuar kompanitë e informatikës “cloud” përputhet me strategjinë kombëtare të zhvendosjes së disa të dhënave, teknologjisë “cloud” dhe infrastrukturës së integrimit të të dhënave në rajonet perëndimore të Kinës.
Grupi i ri i industrisë së kompjuterëve “cloud”, nga ana tjetër, mund të ndihmojë qytetin të shndërrohet në një pararendës të ekonomisë digjitale.
"Zhongwei ka një mjedis të mirë investimi në përgjithësi dhe kushton pak në funksionimin e kompanisë. Prandaj ne kemi zgjedhur të ngremë degën tonë në qytet",- tha Yang Sichao, një ekzekutiv investimi me “Hotwon Group”.
Kompania është një ofrues kinez i zgjidhjeve të qendrave të të dhënave dhe një zbatues i ekosistemeve të qëndrueshme të të dhënave.
Aktualisht, shtatë kompani të specializuara informatike dhe 200 kompani të lidhura janë vendosur në bazën “cloud”.
Zhongwei gjithashtu ka investuar më shumë se 10 miliardë juanë (rreth 1.43 miliardë dollarë amerikanë) për zgjerimin e mëtejshëm të bazës.
Kapaciteti operativ i bazës pritet të lejojë 700,000 serverë në shërbim, me rritje të kapacitetit prej 20 për qind nga viti në vit, sipas zyrtarëve lokalë.
“Ne mund të punojmë për 90 për qind të kompanive të të dhënave të mëdha dhe kompjuterëve “cloud” në të gjithë vendin”,- tha Mai Yanzhou, nënkryetar i qeverisë rajonale të Ningxia.
Avantazhe të tjera të Ningxia në drejtim të zhvillimit të industrisë së kompjuterit “cloud” janë burimet e saj të bollshme të energjisë së gjelbër.
"Deri në vitin 2025, shkalla e përdorimit të energjisë së rinovueshme pritet të arrijë në 65 për qind në Ningxia. Aktualisht, Zhongwei ka parë shkallën e shfrytëzimit të energjisë së rinovueshme që tejkalon 97.6 për qind",- tha Hao Liuhu, zëvendësdrejtor i komisionit të zhvillimit dhe reformave të rajonit.
