nga VCG

Administrata Meteorologjike e Kinës ka njoftuar se do të krijojë një observator klimaterik në malet Qinling në provincën Shaanxi të Kinës veriperëndimore.  

I vendosur në qytetin Shangluo, observatori synon të kryejë kërkime shkencore në lidhje me ndryshimet klimaterike dhe mekanizmin e reshjeve të vargmalit.  

Një kufi natyror midis rajoneve veriore dhe jugore të Kinës, malet Qinling formojnë një pellg ujëmbledhës midis pellgjeve të dy lumenjve mëmë të vendit, Lumit të Verdhë dhe lumit Yangtze, bën të ditur “Xinhua”.  

Për shkak të kompleksitetit të terrenit të tyre, malet Qinling janë shumë të ndjeshme ndaj ndryshimeve klimaterike globale dhe kanë një vlerë të veçantë klimaterike, gjeografike dhe biologjike.  

Administrata bëri të ditur se gjatë shtatë viteve të ardhshme, observatori do të prezantojë një sistem monitorimi të klimës me rezolucion të lartë, me fokus në proceset e paralajmërimit, vlerësimit dhe analizës së klimës. (Elona)