Në takimin e 14-të të Konferencës së Palëve Kontraktuese të Konventës Ramsar për Ligatinat Kina është vlerësuar për veprimet e ndërmarra për mbrojtjen e ligatinave. Kina ka bërë arritje historike në ruajtjen e ligatinave. Ajo ka rritur sipërfaqen e ligatinave në 56.35 milionë hektarë, ka vendosur një sistem mbrojtjeje dhe ka miratuar Ligjin për Ruajtjen e Ligatinave. Kina ndërmori një bashkëpunim të gjerë të ligatinave me palët e konventës dhe kreu trajnime për menaxherët e ligatinave nga 42 vende në zhvillim.
Parku i ligatinës në qytetin Zhang Ye, provincë Gansu, Kinë Veriperëndimore(Foto:VCG)
Përpjekjet e Kinës për mbrojtjen e ligatinave u përshëndetën nga pjesëmarrësit e Takimit të 14-të të Konferencës së Palëve Kontraktuese të Konventës Ramsar për Ligatinat. Pjesëmarrësit shprehën besimin e tyre në mbrojtjen e ligatinave dhe bashkëpunimin ndërkombëtar pasi dëgjuan fjalimin e mbajtur nga presidenti kinez Xi Jinping në ceremoninë e hapjes në Wuhan, në provincën Hubei.
COP14, me temë “Veprimi i ligatinave për njerëzit dhe natyrën”, është planifikuar të zhvillohet deri më 13 nëntor në Wuhan të Kinës dhe në Gjenevë të Zvicrës.
Në hapjen e takimit, të njohur si COP14, presidenti Xi tha përmes lidhjes video se është e rëndësishme të ndërtohet konsensusi global për çmimin e ligatinave, të tregohet respekt për natyrën, të minimizohet përçarja dhe dëmtimi i tyre i shkaktuar nga aktiviteti njerëzor dhe të mbrohet siguria e ekologjisë së tyre, për t'ua lënë ligatinat e bukura brezave të ardhshëm.
“Është e rëndësishme që ne të avancojmë procesin global për ruajtjen e ligatinave, të dyfishojmë përpjekjet tona për të ruajtur origjinalitetin dhe integritetin e tyre, të përfshijmë ligatinat më të rëndësishme në rezervatet natyrore, të përmirësojmë mekanizmat dhe platformat e bashkëpunimit dhe të rrisim mbulimin e ligatinave me rëndësi ndërkombëtare”,- deklaroi presidenti Xi.
Parku i ligatinës në qytetin Huaibei, provincë Anhui, Kinë Qendrore(Foto:VCG)
Ai gjithashtu bëri thirrje për rritjen e mirëqenies së njerëzve në nivel global duke shfrytëzuar rolin e ligatinave në promovimin e zhvillimit të qëndrueshëm, trajtimin e ndryshimeve klimaterike, mbrojtjen e biodiversitetit dhe duke ofruar më shumë përfitime për njerëzit në mbarë botën. Ali Obaid Al Dhaheri, ambasadori i Emirateve të Bashkuara Arabe në Kinë, tha se fjalimi i presidentit Xi dërgoi disa sinjale kyçe dhe tregoi vendosmërinë dhe udhëheqjen e madhe të Kinës në mbrojtjen e mjedisit dhe ligatinave.
Ai tha se si vend pritës i takimit të 13-të të konferencës, edhe Emiratet e Bashkuara Arabe kanë bërë përpjekje të mëdha për mbrojtjen e ligatinave, duke shtuar se pret më shumë bashkëpunim me Kinën dhe vendet e tjera. Kina ka bërë arritje historike në ruajtjen e ligatinave. Ajo ka rritur sipërfaqen e ligatinave në 56.35 milionë hektarë, ka vendosur një sistem mbrojtjeje dhe ka miratuar Ligjin për Ruajtjen e Ligatinave.
“Kina ka hartuar së fundmi një plan urbanistik të parqeve kombëtare. Sipas planit, do të përcaktohen një numër parqesh kombëtare, që përbëjnë rreth 10 për qind të sipërfaqes së vendit”,- tha presidenti Xi.
Parku i ligatinës në qytetin Qingdao, provincë Shandong, Kinë Lindore(Foto:VCG)
Në vitin 1992, Kina iu bashkua Konventës Ramsar, të nënshkruar në vitin 1971 në Ramsar, Iran, për mbrojtjen e ligatinave dhe burimeve të tyre. Shen Yueyue, nënkryetare e Komitetit të Përhershëm të Kongresit Kombëtar Popullor, tha në ceremoni se Kina ka mbajtur një qëndrim të përgjegjshëm ndaj botës duke përmbushur me zell përgjegjësitë e saj në konventë.
Kina ndërmori një bashkëpunim të gjerë të ligatinave me palët e konventës dhe kreu trajnime për menaxherët e ligatinave nga 42 vende në zhvillim.
Iniciativa për Mbrojtjen e Ligatinave të Vogla dhe Mikro, e propozuar nga Kina, ka ofruar një referencë për mbrojtjen dhe qeverisjen ekologjike rurale në botë, tha ajo, duke shtuar se organi më i lartë legjislativ i Kinës do të forcojë mbikëqyrjen dhe inspektimin e zbatimit të Ligjit për Mbrojtjen e Ligatinave dhe do të përshpejtojë procesin legjislativ të Ligjit për Parkun Kombëtar.
Për mbrojtjen më të mirë të ligatinave, presidenti kinez Xi tha se do të zbatohet një plan kombëtar i ruajtjes së ligatinave dhe projekte të mëdha të ruajtjes. Ai tha gjithashtu se Kina do të promovojë shkëmbimet dhe bashkëpunimin ndërkombëtar për të mbrojtur katër rrugët e migrimit të shpendëve që kalojnë përmes Kinës dhe për të ndërtuar një qendër ndërkombëtare të mangrove në Shenzhen të provincës Guangdong, duke shtuar se Kina mbështet thirrjen e konferencës së Forumit Botëror Bregdetar.
Vendet me burime të pasura ligatinore kanë premtuar gjithashtu se do të ndërmarrin më shumë përpjekje. Ma Fuyi, zëvendësdrejtor i zyrës së burimeve natyrore të provincës Shandong, tha se kjo zonë do t'i japë përparësi ndërtimit të Parkut Kombëtar të Grykëderdhjes së Lumit të Verdhë për të mbrojtur deltën e lumit. Krahina ka përfunduar punën përgatitore dhe së shpejti do të angazhohet në projekt.
“Do të jetë një shembull i mbrojtjes së ligatinave për ekosistemet e tjera ligatinore grykëderdhëse në vend”,- tha ai. Takimi ministror i nivelit të lartë COP14 përfundoi në Wuhan të dielën dhe miratoi Deklaratën e Wuhan-it, ku parashikohet të zhvillohet një plan strategjik më ambicioz dhe të ndërmerren veprime më efektive për ligatinat deri në vitin 2030.
