Rama: Mbrojmë çdo familje nga çmimi i energjisë, 80% do ta paguajë shteti
2022-11-07 10:09:42
Foto nga Facebook kryeministri Rama
Kryeministri shqiptar Edi Rama deklaroi se qeveria do të vazhdojë të subvencionojë çmimin e rritur të energjisë elektrike për popullatën dhe bizneset e vogla.
“Familjet do të vazhdojnë të paguajnë 20% të çmimit, 80% do të vazhdojë t’i paguajë buxheti i shtetit”,- tha Rama gjatë një takimi me banorë të Lushnjës, në një video të postuar në rrjetet e tij sociale.
Rama pranoi rritjen e inflacionit në vend, por tha se çmimet në Shqipëri janë rritur më pak se në gjithë vendet e rajonit.
Ai u bëri thirrje ndërkohë sipërmarrësve shqiptarë të rrisin pagat. “Është koha për t’i rritur pagat, për t’i formalizuar sepse njerëzit kanë nevojë të jenë më të sigurt”, theksoi Rama. (Fatosi)
Lajmet Kryesore