Studentët e huaj mësojnë teknikat moderne bujqësore në Kinë
2022-11-04 14:39:45


Foto: VCG

Studentët e huaj në Kinë po trajtohen që të marrim praktikat më të mira në bujqësi, duke ndërthurur përvojën dhe teknologjinë, për t’i zbatuar më pas në vendet e tyre të origjinës, duke çuar një eksperiencë më të avancuar që kanë marrë në vendin aziatik. Sipas ekspertëve të fushës dhe profesorëve të institucioneve përkatëse, qëllimi është që të ushqehet talenti me aftësi praktike.

Samson, një student nga Malaui në Afrikë, mori pjesë në aktivitetet bujqësore më 20 tetor në një bazë eksperimentale në qarkun Quzhou të Handan, në provincën Hebei, me tre bashkatdhetarë të tjerë.

Ata janë studentë të diplomuar në Universitetin Bujqësor të Kinës të Pekinit dhe janë të diplomuar në burimet dhe shkencat mjedisore dhe mbrojtjen e bimëve.

Samson, 30 vjeç, shpreson se ai mund të zbatojë teknikat e mësuara në Kinë për të ndihmuar prodhimin bujqësor në vendin e tij.

“Bujqësia e Kinës është shumë e modernizuar dhe prodhimi i grurit është i lartë. Nëse ne mund t'i ndërthurim teknologjitë dhe përvojën, do të jetë një ndihmë e madhe për prodhimin bujqësor të vendit tonë”,- tha ai.

Së fundi, studentët, të cilët filluan në shtator programin e tyre të studimit në Stacionin Eksperimental Quzhou (Qu xhou) të Universitetit Bujqësor të Kinës, janë të angazhuar në fshatin Wangzhuang me korrjen e misrit, ose duke u marrë me tokën, ose duke regjistruar të dhëna.

“Po përvetësojmë shumë aftësi nga praktikat në bazë, si analiza e mostrave të tokës dhe përmbajtjes së lagështisë, aplikimi i plehrave organike, përcaktimi i lëndëve ushqyese të plehrave, si dhe mekanizimi për makinat e vjeljes dhe lërimit”, tha Samson.

Sipas Jiao Xiaoqiang, profesor në Universitetin Bujqësor të Kinës, studentët jashtë shtetit janë shumë të ndërgjegjshëm.

“Ata gjithmonë shkruajnë në mënyrë aktive shënime praktike dhe përmbledhin informacione të vlefshme që kanë parë dhe mësuar”,- tha Jiao.

Samson tha se do të studiojë në Kinë për dy vjet , një vit në shkollë për klasat e kolegjit dhe një tjetër në bazë për mësim praktik, dhe pritet të diplomohet në qershor 2024.

“Me udhëzimet e profesorëve tanë, ne do të kryejmë kërkime dhe do të shkruajmë teza në bazë duke mësuar se si të bashkëpunojmë me fermerët dhe të japim trajnime bujqësore, si dhe të mësojmë teknologjinë e prodhimit të gjelbër dhe proceset e mbjelljes së të korrave”,- tha ai.

Në bazë, ata kanë mundësi të marrin njohuri për bimët e ndryshme që rrit toka, duke përfshirë kulturat si gruri dhe misri, frutat si mollët dhe dardha, perimet si domatet dhe selino, si dhe disa kultura komerciale si barëra mjekësore tradicionale kineze dhe pambuku.

E themeluar në vitin 1973, baza mbulon 72.5 hektarë në qark, shumica e të cilave janë fusha bujqësore eksperimentale ose demonstrative për lëndë të shumta studimi, të tilla si përmirësimi i pjellorisë së tokës, përdorimi efikas i burimeve ujore dhe mbarështimi i të korrave, sipas kryespecialistit të bazës Zhang Hongyan.

Gjatë pesë dekadave të fundit, ajo u ka shërbyer mbi 500 studentëve të diplomuar në bujqësi, duke përfshirë dy presidentë universitetesh dhe tre akademikë, dhe më shumë se 60 studentëve nga 12 vende afrikane.

Ndër studentët afrikanë, 29 kanë marrë diploma nga Universiteti Bujqësor i Kinës me rezultate të shkëlqyera. Pas diplomimit dhe kthimit në vendin e tyre, ata gjetën punë të mira, me disa që punonin në departamentet bujqësore ose në arsim, tha Jiao.

“Qëllimi ynë është të ushqejmë talentin me aftësi praktike”, tha ai.