Panele diellore (Foto Fokusi.info)
Ministria e Financave dhe Ekonomisë ka propozuar heqjen e akcizës për akumulatorët për panelet diellore dhe makineritë elektrike, shkruan “ATSH”.
Propozimi bëhet në kuadër të zbatimit të strategjisë për kursimin e energjisë si dhe subvencionimit të çmimit të paneleve diellore.
Me hyrjen në përdorim të makinave elektrike, që burimin e tyre të energjisë kanë akumulatorët, është e nevojshme që të rishikohet akciza për këtë produkt.
Aktualisht për makinat elektrike, jo vetëm që nuk ka akcizë, por ka edhe 0% TVSH në momentin e importit.
Një masë stimulimi e përdorimit të makinave me akumulatorë është marrë tashmë në të gjithë Evropën, si pjesë e politikave të mbrojtjes së mjedisit.
Ky ndryshim pritet të sjellë reduktim në të ardhurat e akcizës me rreth 50 milionë lekë në buxhetin e shtetit. (Fatosi)