Kryeministri Edi Rama (Foto Rtsh)

Kryeministri shqiptar Edi Rama deklaroi se për të ka vetëm një raport ndërkombëtar të besueshëm për ecurinë e vendit, që është ai i Progresit të Shqipërisë nga Bashkimi Evropian, shkruan “RTSH”.

Reagimi i kryeministrit Rama erdhi pas publikimit të raportit “World Justice Project”, sipas të cilit Shqipëria renditet në vendin e 87-të për Treguesin e Shtetit Ligjor.

“Për mua ka vetëm një raport ndërkombëtar të thellë e të besueshëm 100% për ecurinë e vendit: Raporti i Progresit të Shqipërisë nga Bashkimi Europian”,- shkroi Rama në “Twitter”.

Sipas tij ky raport pëmban fakte jo perceptime, analiza objektive jo gjykime subjektive, skuadër profesionale me kohë të plotë, jo nënkontraktorë part-time. (Fatosi)