Foto: Facebook ministrja Kushi
Ministrja e Arsimit dhe Sportit, Evis Kushi, mori pjesë në Ministerialin e 17-të të Këshillit të Evropës për Sportin.
Përmes një njoftimi zyrtar, ministrja Kushi deklaroi se në fjalën e saj theksoi që Shqipëria mbështet të drejtat e njeriut dhe politikat evropiane, duke nxitur gjithëpërfshirjen dhe barazinë në sport.
Ajo theksoi se bazuar në rekomandimet e EPAS dhe Kartën Evropiane të Sportit, prezantoi projektet dhe hapat konkrete të ndërmarra nga Shqipëria në lidhje me përmirësimin e legjislacionit shqiptar, rritjen e buxhetit dhe forcimin e politikave qeveritare në sport.
Ministrja Kushi theksoi se hapja e negociatave të anëtarësimit me BE-në është një moment i rëndësishëm për të rritur pjesëmarrjen në takimet dhe aktivitetet e organizuara nga EPAS, si dhe për të forcuar bashkëpunimin në lidhje me politikat në fushën e sportit dhe koordinimin me politikat e përcaktuara në nivel evropian. (Irma)