Junior NBA vjen për herë të parë në Shqipëri me programin e tij të basketbollit për të rinjtë.

Ministrja e Arsimit dhe Sportit, Evis Kushi, shpërndau në rrjete sociale video nga ceremonia e hapjes dhe rekrutimit për programin si dhe premtoi se dikasteri që drejton do të vijojë të mbështesë çdo nismë që synon masivizimin e sportit, aktivizimin e sa më shumë fëmijëve dhe të rinjve, si dhe zhvillimin e disiplinave të ndryshme sportive përfshirë dhe basketbollin.

Junior NBA synon të zhvillojë një pasion të përhershëm për lojën e basketbollit te djemtë dhe vajzat e moshës 6 deri 14 vjeç, duke u mësuar atyre bazat e sportit, ndërsa u rrënjos vlerat thelbësore, përfshirë punën në grup, respektin dhe sportivitetin. (Elona)