Foto nga VCG

Bota po ndjek me vëmendje Kongresin e 20-të Kombëtar të Partisë Komuniste të Kinës. Kina është një fuqi botërore, kështu që çdo vendim që merr PKK ndikon në botë. Njerëzit e gjithë botës po ndjekin kongresin e PKK  jo vetëm sepse do të lerë një gjurmë të thellë në glob, por edhe sepse do të ndihmonte njëkohësisht në mbështetjen e ndërtimit të një shoqërie paqësore, të begatë dhe të drejtë.

Mes peripecive të tragjedive të papritura me të cilat u përball bota, Komiteti Qendror i PKK-së i zgjedhur nga Kongresi i 19-të Kombëtar i ka kapërcyer sfidat, duke dhënë shembull në të gjithë botën.

Mënyra se si Kina luftoi kundër pandemisë COVID-19 nën udhëheqjen e PKK ka rritur shpresën në të gjithë botën për luftën e ardhshme kundër çdo fatkeqësie të tillë natyrore. Ajo ka vërtetuar aftësinë njerëzore për të luftuar çdo sfidë me mbështetjen e shkencës dhe teknologjisë, si  dhe ndërgjegjes njerëzore.

Periudha pas pandemisë nuk është më pak e vështirë. Kriza ekonomike mbarëbotërore e ka bërë jetën më të vështirë. Ekonomia botërore e rënduar, megjithëse në rikuperim, nuk është rimëkëmbur ende plotësisht. Roli që Kina po luan për të shëruar këtë sëmundje është padyshim i çmueshëm dhe shoqëria nuk do ta harrojë kurrë kontributin proaktiv të dhënë nga PKK për këtë rezultat. Rishfaqja dhe rigjenerimi i ekonomisë kineze po ndihmon në zgjidhjen e krizës ekonomike globale.

Historia e PKK-së është historia e inovacionit teorik. Udhëheqësit kinezë kanë gdhendur teoritë njëra pas tjetrës për t'iu përshtatur thirrjes së kohës dhe për të forcuar përvojat e fituara. Të gjitha risitë teorike përfaqësojnë pikat historike dhe mënyrat për të kapërcyer sfidat e reja. Mendimi i Xi Jinping mbi socializmin me karakteristika kineze për një epokë të re është vazhdimësia e inovacionit teorik që jo vetëm ka ndezur rrugën e PKK-së për një epokë të re, por ka inkurajuar njerëzit përparimtarë në mbarë botën për themelin e fortë të paqes, prosperitetit dhe drejtësisë.

Kongresi Kombëtar i PKK-së çdo pesë vjet është një proces i rregullt, por rezolutat historike të miratuara në çdo kongres janë historike dhe pikë referimi. Në çdo kongres të PKK-së nga epoka revolucionare deri në epokën e sotme të reformimit, udhëheqësit kinezë kanë diskutuar fuqishëm çështjet përkatëse kombëtare dhe globale, kanë marrë vendime unanime dhe i kanë zbatuar ato me vendosmëri. Ky stil pune ka nxitur shoqërinë kineze dhe ka ngritur popullin kinez nga gjendja e rëndë në kulmin e prosperitetit.

Sigurisht që PKK ka përmbushur me sukses objektivin e parë njëqindvjeçar për ta bërë Kinën një vend mesatarisht të prosperuar deri në vitin 2021, në 100 vjetorin e krijimit të saj. Tani destinacioni tjetër i popullit kinez është arritja e qëllimit të dytë të njëqindvjeçarit, që është të ndërtojë Kinën në një vend socialist modern të begatë, të fortë, demokratik, kulturalisht të avancuar, harmonik dhe të bukur deri në vitin 2049, viti i njëqindvjetorit të themelimit të Republikës Popullore të Kinës.

Sekretari i Përgjithshëm Xi ka deklaruar se vetëm socializmi mund ta shpëtojë Kinën dhe vetëm socializmi  me karakteristika kineze mund të sjellë zhvillim në vend. Prandaj, qëllimi i dytë i njëqindvjetorit është shumë më i rëndësishëm për popullin kinez dhe për komunitetin global gjithashtu. Sepse qëllimi i ardhshëm do ta bëjë Kinën përsëri një bastion qytetërimi. Do t'i hapë rrugën socializmit me karakteristika kineze në praktikën reale.

Historia tregon se Kina nuk është sjellë kurrë në mënyrë luftarake kundër ndonjë vendi, por ajo vetë ka shijuar hidhërimin e agresionit armiqësor kolonial në të kaluarën. Kina, ndonëse një fuqi botërore sot, nuk ka synim agresioni dhe sundimi hegjemonik globalisht. Ajo ka qenë avokatja e palodhur e multilateralizmit dhe rendit global demokratik. Udhëheqësit kinezë po flasin për "ndërtimin e një komuniteti me një të ardhme të përbashkët për njerëzimin". Ky koncept është krejtësisht i ndryshëm nga koncepti i globalizimit perëndimor që synonte vetëm të pushtonte tregun botëror përmes një ndikimi të dallueshëm kolonial.

Udhëtimi është më i vështirë kur destinacioni është më afër. Ditët në vijim nuk do të jenë të lehta për udhëheqjen kineze që të shkelë majat e suksesit. Mijëra pengesa janë në rrugë. Vetëm vendosmëria e fortë dhe uniteti mund t'i bëjnë ata të arrijnë lartësinë. Kinezët kanë të drejtë kur thonë se përparimi i Kinës nuk është i mundur pa PKK. Kina sot po lulëzon nga një vend i poshtëruar në një lojtar botëror dhe kjo  është e mundur vetëm për shkak të udhëheqjes së PKK-së.

Çdo kongres i PKK-së është vendimtar për popullin kinez, ndaj dhe kongresi aktual ka të bëjë shumë me popullin kinez. Duke qenë se ndikimi i politikës së Kinës nuk është i kufizuar brenda kufirit të saj, kongresi po  ndiqet në të gjithë botën.