Foto:VCG

Stina i korrjeve të vjeshtës ka filluar në mbarë Kinën, ndërsa fermerët kinezë organizuan të premten shfaqje me temën e të korrave dhe lojëra sportive e bujqësore për të kremtuar Festën e 5-të të të Korrave.

Festa e të Korrave e Fermerëve Kinezë, që ka nisur në vitin 2018, përkon çdo vit me “Sanataditën e vjeshtës”, një ndër 24 fazat stinore sipas kalendarit hënor kinez, kur dielli bie pingul mbi ekuator dhe kur dita e nata janë të barabarta. Sivjet kjo ditë qëllon më 23 shtator. Festa e të Korrave e Fermerëve Kinezë është një rast për kremtimin e rrënjëve bujqësore të vendit, e nderimit për sezonin e korrjeve dhe e respektit për ata që punojnë tokën.

Me rastin e festës, presidenti kinez Xi Jinping uroi fermerët dhe punonjësit e sektorit bujqësor të mbarë vendit. Ai vuri në dukje se organet e pushtetit në të gjitha nivelet duhet të zbatojnë politikat e punës lidhur me bujqësinë, zonat rurale e fermerët, të forcojnë garantimin e sigurisë ushqimore, të stabilizojnë bujqësinë, të konsolidojnë rezultatet e shkëputjes nga varfëria dhe të promovojnë rigjallërimin rural.

Të korrat e vjeshtës pritet të zënë afro 75 për qind të prodhimit të përgjithshëm të drithit në Kinë këtë vit.

Sipas të dhënave të fundit të publikuara nga Ministria e Bujqësisë dhe e Çështjeve Rurale, fermerët kinezë kanë korrur ose vjelë një sipërfaqe prej afro 16 milionë hektarësh, duke arritur 18.1 për qind të objektivit.

Ministria e Bujqësisë pritet të mobilizojë më shumë se 30 milionë makineri bujqësore gjatë sezonit të korrjeve e vjeljeve të vjeshtës.