Kryeministri shqiptar Edi Rama (Foto Rtsh)

Kryeministri i Shqipërisë Edi Rama u ka bërë thirrje qytetarëve shqiptarë që të ndalin kalimin e Kanalit të La Manshit me varka të vogla drejt Britanisë së Madhe, ndërsa rreth 2000 vetë janë grumbulluar në veri të Francës gati për të bërë udhëtimin e rrezikshëm.

Gjatë një interviste për gazetë britanike “The Telegraph”, Edi Rama u bëri thirrje të rinjve shqiptarë që t'i investojnë paratë në bizneset e turizmit rural duke fituar kështu më shumë sesa mund të fitonin në Britaninë e Madhe, përcjell “RTSH”.

“Qeveria shqiptare do të sigurojë mbështetje financiare për të përkrahur plane të tilla mes shqetësimeve se numri i të rinjve shqiptarë që kërkojnë të kalojnë Kanalin po rritet”,- tha kryeministri.

Zyrtarët e Forcave Kufitare thonë se shqiptarët tani përbëjnë deri në 60 për qind të mbërritjeve, 100 herë më shumë se numri i vitit të kaluar nga vendi ballkanik. Rreth 2000 shqiptarë të tjerë thuhet se kanë arritur në Francën veriore dhe tani po jetojnë në kampe të improvizuara ose po grumbullohen në Dunkirk dhe Kale përpara se të bëjnë kalimin e tyre.

Javën e kaluar, parlamenti i Shqipërisë mbështeti njëzëri një memorandum të ri me Mbretërinë e Bashkuar për të lejuar policët e saj të dërguar në Britani të ndajnë informacione kriminale dhe biometrike mbi emigrantët e Kanalit Shqiptar në një përpjekje për të përshpejtuar dëbimin e tyre në Ballkan. (Fatosi)