Kryeministri shqiptar Edi Rama (Foto Rtsh) (1)
Në Shqipëri ka hyrë në fuqi vendimi i qeverisë për indeksimin e pensioneve, njofton “RTSH”. Indeksimi do të jetë në masën 6%.
Pensionet e plota të pleqërisë, pensionet e plota të invaliditetit dhe pensionet e plota familjare nuk do të jenë më pak se 10.834 lekë në muaj, por jo më shumë se 15.822 lekë në muaj.
Ndërsa pensionet e parakohshme nuk do të jenë më pak se 15.822 lekë në muaj.
Përfituesit e pensioneve, si dhe përfituesit e pensioneve të parakohshme, do të marrin edhe kompensimet nga ndryshimi i çmimit të energjisë elektrike dhe lëndëve djegëse, si dhe për kompensimin nga ndryshimi i çmimit të bukës, vajgurit dhe gazit të lëngshëm.
Efektet financiare për zbatimin e këtij vendimi përllogariten në shumën 2.060.000.000 lekë. (Fatosi)