Kryeministri shqiptar Edi Rama (Foto Rtsh)
Kryeministri shqiptar Edi Rama dha më shumë hollësi rreth vendimit të qeverisë për të fiksuar në nivelin aktual çmimin e energjisë elektrike për familjet që konsumojnë 800 kwh në muaj dhe rritjen e tij në nivelin e tregut për ato që tejkalojnë këtë kuotë.
“Janë mbi 1 milionë e 90 mijë familje që konsumojnë deri në 800 kwh dhe mbi 40 mijë familje që konsumojnë mbi 800 kwh”,- tha kryeministri gjatë një bashkëbisedimi me mediet. Ai shtoi se ky vendim mbron shumicën e popullsisë dhe do të prekë vetëm të pasurit.
Megjithatë kryeministri Rama paralajmëroi se ky çmim nuk është përgjithmonë, është nga 1 tetori deri në dhjetor dhe në bazë të situatës energjetike të vendit mund ta rishikohet edhe çmimi.
Autoritetet shqiptare shpresojnë në pëmirësimin e situatës energjitike në vend në ditët që vijnë. (Fatosi)