Pavijoni kombëtar i Kinës ka sipërfaqen më të madhe ndër të gjitha pavijonet në Ekspozitën Botërore të Shangait dhe kati i sipërm i tij është i madh sa dy fusha futbolli e gjysmë. Në pavijonin kombëtar të Kinës mund të shohim kudo elemente kineze, pjesa e jashtme e tij është në ngjyrën "e kuqe kineze" dhe i ngjan një kurore mbretërore, që shfaq shpirtin e kulturës kineze.
Pavijoni krahinor i Kinës është pavijoni i provincave të ndryshme të Kinës dhe gjatë projektimit të tij u përdorën shumë elemente të lashta tradicionale kineze. Në pjesën e jashtme të pavijonit janë gdhendur 34 hieroglife kineze që shënojnë emrat e dinastive të Kinës, duke simbolizuar historinë e gjatë kineze. Në këtë pavijon paraqiten të gjitha krahinat kineze dhe pas vizitës vizitorët mund të njohin në përgjithësi zakonet e ndryshme të këtyre krahinave.
Pastaj Haibao do t'ju drejtojë në pavijonin e Hong-Kongut, pavijonin e Makaos dhe atë të Tajvanit. Tema kryesore e pavijonit të Hong-Kongut është "Hong-Kongu, qyteti i pakufizuar", ku shfaqen kryesisht 6 karakteristika të Hong-Kongut, duke përfshirë pozitën e veçantë dhe të mirë gjeografike, infrastrukturën e përsosur, ndërlidhjen e ngushtë me botën e me pjesën e brendshme të Kinës, teknologjinë e përparuar të informacionit, transportin e lirshëm dhe përzierjen e kulturës kineze me kulturën perëndimore.
Pavijoni i Makaos i ngjan një lepuri dhe shtresa e jashtme e tij mbulohet me një cipë xhami ku mund të këmbehen pandërprerë ngjyrat, duke shfaqur figura të ndryshme.
Pavijoni i Tajvanit i ngjan llambës së lashtë kineze "Kongming", ndriçimi i së cilës për kërkimin e fatit dhe shikimi i filmit që do të shfaqet në të gjithë kubenë janë veprimtaritë kryesore që mund të kryhen gjatë vizitës në këtë pavijon.
