Në prag të 60-vjetorit të shpalljes së Kinës së Re, kryeqyteti i Kinës Pekin po zbukurohet dhe atmosfera po bëhet më e këndshme nga dita në ditë.

Tani, projekti i zbukurimit dhe gjelbërimit të Pekinit ka hyrë në fazën e fundit, ndërkohë së shpejti 56 "shtyllat e bashkimit kombëtar" si sfond i ceremonisë së 60-vjetorit të Ditës Kombëtare do të përfundojnë së ndërtuari në sheshin "Tiananmen". Mbi një mijë parqe të Pekinit do të zbukurohen për të mirëpritur turistët me një atmosferë të ngrohtë dhe paqësore feste. Gjatë kremtimeve, në këto parqe do të zhvillohen aktivitete të ndryshme festive, si ekspozita, veprimtari sportive, ekspozita të dokeve e zakoneve popullore etj.

Në lagjet dhe blloqet e banimit qytetarët e Pekinit po e mirëpresin Ditën Kombëtare sipas mënyrës së vet, si për shembull duke varur flamurë dhe duke vënë lule për të zbukuruar mjedisin. (Zhan Dian)(Artan)(Drita)