Kompania "HENRY Shpk", kompani import-eksporti me administratorin z. Ylli Xhakollari, është një nga kompanitë më të mëdha dhe më të suksesshme në biznesin shqiptar. 80% të mallrave të saj importohen nga Kina.

Me një periudhë më shumë se 10 vjeçare në fushën e artikujve hidrosanitare, është cilësuar si kompania me çmimet dhe cilësinë më konkurruese në tregun shqiptar. Aktualisht kjo kompani zë përqindjen më të lartë të tregut.

Vitet e fundit administratori i kësaj kompanie ka bërë të mundur dhe krijimin e një "joint venture" për prodhimin e rubinetave, në Taizhou të Kinës lindore.

Disa ditë më parë, z. Ylli Xhakollari dha një intervistë ekskluzive për Radion e Jashtme të Kinës, të realizuar nga gazetarja Albana Aliaj. Gjatë intervistës, ai na prezantoi një histori të shkurtër të kompanisë dhe një gjendje të përgjithshme aktuale rreth biznesit të tij.