Një komitet legjislativ në Brazil do të votojë javën e ardhshme për të përcaktuar nëse do të ndiqen procedurat e paraqitjes së akuzës ndaj presidentes Dilma Rousseff.

Komiteti do të vendosë nëse Rousseff-i ka shkelur ligjin, duke fshehur deficitin masiv në buxhet para rizgjedhjes së saj në vitin 2014.

Rousseff tha se opozita po përpiqet të largojë nga detyra pa asnjë bazë ligjore:

"Unë mendoj se çdo përpjekje për të përdorur pretendimet se presidentja ka shkelur ligjet fiskale për të maskuar një boshllëk në buxhet si bazë për të kërkuar ndjekje penale, është një grusht shteti, është një grusht shteti, sepse nuk ka asnjë arsye ligjore."

Ndërkohë, Rousseff thotë se nuk ka në plan të bëjë ndryshime në kabinetin e saj përpara votimit.

Mbështetësit e presidentes i kanë kërkuar të bëjë ndryshime në administratë, që mund ta ndihmojnë të sigurojë mbështetjen politike për të cilën ka nevojë përpara votimit.

Rousseff ka qenë në qendër të protestave të mëdha kundër administratës së saj, e cila është akuzuar për keqmenaxhim të ekonomisë braziliane. (Artan Goga)