Kryeministri i Islandës Sigmundur Gunnlaugsson njoftoi dorëheqjen e tij nga posti të martën gjatë një mbledhjeje të grupit parlamentar të Partisë Përparimtare.

Pas mbledhjes ministri i Bujqësisë dhe Peshkimit, Sigurdur Ingi Johannsson i tha transmetuesit RUV, se Gunnlaugsson do të dorëhiqet si kryeministër, por do të mbajë detyrën e kryetarit të partisë.

Sipas njoftimeve, pritet që Johannsson të mbajë detyrën e kryeministrit.

Mijëra protestues të zemëruar u grumbulluan para parlamentit të hënën në mbrëmje për të kërkuar largimin e qeverisë. (Leftion Peristeri)