Ministri i Mbrojtjes i Arabisë Saudite, princ Mohammed Bin Salman, u shpreh të dielën se të dyja palët e konfliktit në Jemen po zhvillojnë bisedime në kryeqytetin e Arabisë Saudite Riad dhe janë pranë arritjes së një marrëveshjeje.
Salman u tha medieve se një delegacion i grupit të armatosur Houthi po zhvillon bisedime me përfaqësues të qeverisë të Jemenit. Të dyja palët kanë arritur përparim në bisedime dhe së shpejti pritet të arrijnë një marrëveshje.
Muajin e kaluar i dërguari i posaçëm i OKB-së për Jemenin Ismail Ahmed shpalli se raundi i ri i bisedimeve për çështjen e Jemenit do të fillojë më 18 prill në Kuvajit. Të dyja palët po bëjnë tashmë përgatitje për këto bisedime. (Vera)