Presidenti kinez Xi Jinping tha se zgjidhja e çeshtjes bërthamore të Iranit ka shërbyer si nxitëse për çeshtje të tjera të nxehta. Ai e bëri deklaratën gjatë takimit me liderët e 6 vendeve, që ndërmjetësuan çeshtjen bërthamore të Iranit, të pranishëm në Samitin e 4-t të Sigurisë Bërthamore, në Uashington.

Duke e cilësuar "Planin e Veprimit Gjithëpërfshirës" për çeshtjen bërthamore të Iranit si "një moment historik", Xi bëri thirrje për zbatimin e plotë të marrëveshjes për pakësimin e programit bërthamor të Iranit, në këmbim të heqjes së sanksioneve ekonomike perëndimore.

Pas më shumë se 18 muaj bisedimesh maratonë pala iraniane dhe grupi "P5+1" ku përfshihen Britania, Kina, Franca, Rusia, SHBA-ja dhe Gjermania arritën marrëveshjen për zbatimin e "Planit të Veprimit Gjithëpërfshirës".

Kreu i shtetit i Kinës Xi tha në takim se dialogu dhe bisedimet përbëjnë mënyrën më të mirë për zgjidhjen e çeshtjeve delikate. (Eda Merepeza)